Hosiya 2:7 - BIBELE Mahungu Lamanene

⁷ Ú ta famba a hlota swigangu swa yena, kambe a nga ka a nga fiki eka swona; ú ta famba a swi lava hinkwako, kambe a nge heli a swi kumile. Kutani ú ta ku: ‘Ndzi ta tlhelela eka nuna wa mina wo sungula, hikuva eka yena, a ndzi tiphina ku tlula sweswi.’

Xitsonga (Bibele)

⁷ Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

Hosiya 2:7 Referans Kwoze

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Hosiya 5:13

Va ka Efrayimi va vonile vuvabyi bya vona, na vona va ka Yuda va vona timbanga ta vona, kutani va ka Efrayimi va rhuma vanhu va ya eAsiriya, va ya kombela ku pfuniwa eka hosi leyikulu. Kambe hosi leyi a yi swi koti ku mi horisa, ni timbanga ta n'wina, a yi ti koti,

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Ezekiele 23:4

Vito ra lonkulu a a ri Ohola, kasi lontsongo a a ri Oholiba; Ohola loyi i muti wa Samariya, Oholiba yena i muti wa Yerusalema. Ndzi titekele vona va va vanhu va mina, kutani va ndzi velekerile vana va xinuna ni va xisati.

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Hosiya 5:15

Ndzi ta suka ndzi famba ndzi tlhelela laha ndzi tshamaka kona, va ta kondza va tivona nandzu, kutani va famba va ndzi lava; va ta ndzi lava loko va ri ekhombyeni.

Daniele 5:21

a hlongoriwa a suka exikarhi ka vanhu, miehleketo ya yena yi hundzuka yi fana ni ya swiharhi, a ya tshama na swona enhoveni, a dya byanyi ku fana ni homu, miri wa yena wu wela hi mberha, ku kondza a tiva leswaku Xikwembu xa le henhla-henhla xi fuma tihosi hinkwato, ni leswaku xi teka vuhosi xi byi nyika loyi xi n'wi tsakelaka.

Daniele 4:32

U ta hlongoriwa u suka exikarhi ka vanhu, u ya tshama ni swiharhi swa nhova, u dya byanyi ku fana ni homu. Swi ta va tano malembe ya 7, u kondza u tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.”

Daniele 4:25

U ta hlongoriwa u suka exikarhi ka vanhu, u ya hanya ni swiharhi swa nhova, u dya byanyi ku fana ni homu, u wela hi mberha, ku kondza ku hundza malembe ya 7. Hikona u nga ta tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.

Daniele 4:17

Lawa i makungu ya valanguteri lavo hlawuleka ni xiboho xa vona. Hikokwalaho, vanhu hinkwavo va fanele ku tiva leswaku Loyi a nga henhla-henhla ú fuma tihosi hinkwato; a nga teka vuhosi hilaha a rhandzaka hakona, a nyika swikamba byi va bya swona.’

Ezekiele 23:22

Yingisa wena Oholiba! HOSI N'wini wa hinkwaswo ú ri: “Swigangu swa wena leswi swi ku phirhaka, ndzi ta endla leswaku swi ku pfukela swi lwa na wena, swi huma ematlhelweni hinkwawo.

Ezekiele 20:32

“Mi pfa mi anakanya leswaku swi nga saseka loko mi fana ni vanhu va matiko man'wana hinkwawo, mi tiendlela swikwembu swa mintsandza ni maribye; kambe tivani leswaku mhaka yo tano yi nge pfuki yi endlekile!

Ezekiele 16:18

U funengetile swifaniso leswi hi swiambalo swa wena swo rhungeleriwa mavalavala, kutani u tekile mafurha ya mina ni mirhi ya mina ya risuna, u swi humesela swifaniso leswi.

Ezekiele 16:8

“Loko ku hundzile nkarhi, ndzi tlhele ndzi ta eka wena ndzi ta ku kamba, ndzi kuma leswaku u nhwana la tiyeleke; hiloko ndzi ku funengeta hi xiambalo ndzi siva tingana ta wena. Ndzi twananile na wena, ndzi tshembisa ku ku teka, ku vula mina HOSI N'wini wa hinkwaswo, kutani u vile wa mina.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Yeremiya 2:36

U hatlisa ngopfu ku hundzuluxa mikhuva ya wena. Tiva leswaku Vaegipta va ta ku khomisa tingana, ku fana ni leswi Vaasiriya va ku endleke swona.

Yeremiya 2:28

Xana swi kwihi swikwembu swa n'wina leswi mi tiendleleke swona xana? Pfuxani swona, hi vona loko swi nga mi pfuna loko mi ri ekhombyeni! Swikwembu swa n'wina va ka Yuda i swinyingi, swi ringana ni miti ya n'wina hi ku tala.”

Esaya 30:16

mi hlamurile mi ku: “E-e! Hina a hi lavi swona sweswo; hi ta gada tihanci ta hina, hi tsutsuma hi rivilo lerikulu.” Kunene, ku tsutsuma mi ta tsutsuma! Mi engete mi ku: “Hi ta gada tihanci ta nyimpi leta rivilo swinene.” Kambe lava nga ta mi hlongorisa, va ta va ni rivilo ro tlula ra n'wina!

Pisalema 116:7

Sweswi ndzi ni ku rhula, hikuva HOSI Xikwembu xi ndzi katekisile ngopfu.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Hosiya 2:16

“Mina HOSI ndza ku byela ndzi ri: Hi siku rero, u ta ndzi vula ‘Nuna wa mina’, u nga ka u nga ha ndzi vuli ‘Baali wa mina’.

2 TIKRONIKA 28:23

Swikwembu swa Damaska leswi a swi n'wi hlurile, Akazi a sungula ku swi humesela magandzelo, hikuva a a ku: “Swikwembu leswi, hi swona leswi pfuneke tihosi ta le Siriya. Loko na mina ndzi swi humesela magandzelo, swi ta ndzi pfuna.” Kasi swikwembu sweswo, hi swona swi nga lovisa Akazi ni Vaisraele hinkwavo.

Yeremiya 44:17

Hina hi ta endla hinkwaswo leswi hi tiboheke ku swi endla: Hi ta hisa mirhi ya risuna hi humesela xikwembu lexi va nge i ‘Nkosikazi-ya-le-Matilweni’, hi xi humesela ni magandzelo ya swakunwa. Khale a hi endla sweswo emitini ya Yuda ni le magondzweni ya Yerusalema, hi ri ni vatata wa hina ni tihosi ta hina ni tindhuna ta hina. Eminkarhini ya kona a hi kuma swakudya swo tala, hi kateka, hi nga voni nchumu xo biha.

Ezekiele 23:12

Ú rhandzanile ni Vaasiriya, ku nga tihosi, ni tindhuna, ni masocha lama ambaleke swa muhlovo wa rihlaza ra tilo, ni lava tivaka ku fambisa makalichi ni ku gada tihanci, hinkwavo va ri tinhenha to saseka.

Hosiya 1:2

Loko HOSI Xikwembu xi sungula ku rhwexa Hosiya marito ya xona, xi te ka yena: “Leswi tiko ri endlaka vunghwavava lebyikulu hi ku fularhela mina HOSI, na wena yana u ya titekela nsati loyi a nga nghwavava, a ta ku velekela vana vo fana na yena.”