Hosiya 2:5 - BIBELE Mahungu Lamanene

⁵ Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’

Xitsonga (Bibele)

⁵ Hikuva mana wa vona a a ri ni vuoswi; loyi a va velekeke u tiendlile tingana; hikuva u te: ‘Ndzi ta landzela varhandziwa va mina lava nga ndzi nyika vuswa bya mina ni mati ya mina, ni voya bya mina bya tinyimpfu, ni ntsembyana wa mina, ni mafurha ya mina, ni swo nwa swa mina.’

Hosiya 2:5 Referans Kwoze

Hosiya 3:1

Kutani HOSI Xikwembu xi ku ka mina: “Tlhela u ya rhandzana ni wansati wa muoswi loyi a tsakeriwaka hi xigangu xa yena. Leri hi rona rirhandzu leri mina HOSI ndzi rhandzaka vanhu va tiko ra Israele ha rona, hambileswi vona va ndzi dyohelaka hi ku landza swikwembu swin'wana, va tsakela ni swimbhundzwa swa mihandzu ya vhinya leyi omisiweke.”

Hosiya 2:8

“A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Esaya 1:21

Muti wo tshembeka, wo lulama ngopfu, sweswi wu hundzuke nghwavava! Muti lowu a wu tshama lavo lulama sweswi i kaya ra vadlayi!

Hosiya 9:10

N'wina va tiko ra Israele, ndzi mi kumile mi fana ni mirhi ya vhinya emananga; vatata wa n'wina, ndzi va vonile va fana ni matatana; kambe loko va fika eBaala-Peyori, va sungurile ku tinyiketa eka Baali, va tithyakisa ku fana ni xilo lexi a va xi rhandza xo khomisa tingana.

Hosiya 8:9

Va tlhandlukile va ya etikweni ra Asiriya, va fana ni timangwa ta nhova leti hanyaka ti ri toxe; va ka Efrayimi va tixavele xinakulobye hi tinyiko.

Hosiya 4:5

Ninhlekanhi mi ta khuguka, nivusiku mi ta khuguka swin'we ni vaprofeta, naswona ndzi ta lovisa mana wa n'wina.

Hosiya 2:2

“Khongotelani mana wa n'wina, hikuva a nga ha ri nsati wa mina, na mina a ndza ha ri nuna wa yena; n'wi khongoteleni leswaku a hambana ni vunghwavava, a tshika ni timhaka ta vugangu;

Yeremiya 11:13

Xikwembu xi ri: “We tiko ra Yuda, swikwembu swa wena swi tele ku ringana ni miti ya wena; na tona tialitari ta wena ti tele ku ringana ni magondzo ya le Yerusalema. Tialitari ta kona ti khomisa tingana, hikuva u ti akele ku humesela swikwembu swa Baali emagandzelo lama hisiwaka.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Vaavanyisi 16:23

Kutani tihosi ta Vafilista ti hlengeletana, ti endla nkhuvo lowukulu wo humesela xikwembu xa Vafilista lexi va nge i Dagona emagandzelo, ti cina, hikuva a ti ku: “Xikwembu xa hina, hi xona xi nyiketeke nala wa hina Samsoni emavokweni ya hina.”

Hosiya 1:2

Loko HOSI Xikwembu xi sungula ku rhwexa Hosiya marito ya xona, xi te ka yena: “Leswi tiko ri endlaka vunghwavava lebyikulu hi ku fularhela mina HOSI, na wena yana u ya titekela nsati loyi a nga nghwavava, a ta ku velekela vana vo fana na yena.”

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Yeremiya 13:22

Loko u tivutisa u ku: “Xana makhombo lawa ndzi vangeriwa hi yini xana?” tiva leswaku valala va ku hluvula swiambalo va ku pfinya hikwalaho ka ku tala ka swidyoho swa wena!

Ezekiele 16:4

Esikwini leri u velekiweke ha rona, a va bohanga xinkavana xa wena; a va ku hlambisanga, a va tiyisanga miri wa wena hi ku wu khuxa hi munyu, ni ku ku ambexa a va ku ambexanga.

Ezekiele 16:35

Xikwembu xi ri: “Wena Yerusalema nghwavava ndziwena, yingisa rito ra mina.

Ezekiele 16:39

Ndzi ta ku nyiketa emavokweni ya swigangu swa wena, kutani swona swi ta wisetela byetlelo bya wena, swi tshovelela ni mibedo ya wena leyo tlakuka. Swi ta ku hluvula swiambalo u sala u lo mbyínyà, swi ku tekela ni vuhlalu bya wena lebyo saseka.

Amosi 8:13

“Hi siku ra kona, vanhwana lavo saseka ni majaha layo tiya, va ta wa hi torha.