Hosiya 2:21 - BIBELE Mahungu Lamanene

²¹ “Mina HOSI ndzi ri, eminkarhini yoleyo, ndzi ta hlamula! Ndzi ta vulavula ni matilo, matilo ma vulavula ni misava;

Xitsonga (Bibele)

²¹ “Enkarhini wolowo, ndzi ta hlamula, ku vula Yehovha, ndzi hlamula matilo, wona ma hlamula misava,

Hosiya 2:21 Referans Kwoze

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Varhoma 8:32

Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Esaya 65:24

Loko va khongela, ndzi ta va hlamula va nga si heta, ndzi ta va twa va ha vulavula.

Esaya 55:10

“Loko mpfula ni gamboko swi ta swi huma etilweni, a swi tlheli swi nga tsakamisanga misava; swi hlukisa swimilana ni ku balekisa swiluva, leswaku mubyari a kuma timbewu, ni vanhu va kuma swakudya.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Ezekiele 36:29

Ndzi ta mi kutsula, mi hambana ni swilo hinkwaswo leswi a swi mi nyamisa. Ndzi ta mi nyika swakudya leswo tala, kutani a ku nga ha vi na ndlala etikweni ra n'wina.

Hosiya 14:7

Va ta vuya va ta dzumba ehansi ka ndzhuti wa mina, va ta pfuxetiwa ku fana ni ntanga; va ta hluka ku fana ni murhi wa vhinya, ku nun'hwela ka vona ku ta fana ni ku nun'hwela ka vhinyo ya le Lebanoni.

Yuwele 2:19

HOSI Xikwembu xi hlamula vanhu va xona, xi ku: “Vonani, ndzi ta mi nyika mavele ni vhinyo ni mafurha, mi ta dya mi xurha. A ndzi nga ha mi vangeli ku sandziwa hi vamatiko.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.

Esaya 62:4

A wu nga ha vuriwi “Ntshikiwani”, ni tiko ra wena a ri nga ha vuriwi “N'wa-Marhumbi”, kambe va ta ku, hi we “Murhandziwani”, ni tiko ra wena va ta ri thya vito ra “Nkandza-vukati”, hikuva HOSI Xikwembu xi ta tlhela xi ku rhandza, xi va nuna wa tiko ra wena.

Esaya 62:5

Loyi a ku akaka hi vuntshwa, ú ta ku teka, ku fana ni jaha leri tekaka nhwana wa rona. Xikwembu xa wena xi ta ku tsakela ngopfu, kukotisa wanuna loyi a tsakisiwaka hi nsati wa yena.

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”