Hosiya 2:19 - BIBELE Mahungu Lamanene

¹⁹ “Ndzi ta ku teka u va nsati wa mina hilaha ku nga heriki, ndzi ta tshembeka, ndzi va ni ntiyiso eka wena; ndzi ta ku rhandza minkarhi hinkwayo, ndzi ku tsetselela.

Xitsonga (Bibele)

¹⁹ Kutani ndzi ta ku teka, u va wa mina hilaha ku nga heriki, ndzi ku teka hi ku lulama ni ku avanyisa, ni nsovo, ni ku tsetselela.

Hosiya 2:19 Referans Kwoze

2 Vakorinto 11:2

Ndza mi hisekela kukota leswi Xikwembu na xona xi mi hisekerisaka xiswona. Ndzi mi nyiketile eka Kriste kukota nhwana la tengeke, leswaku a va nuna un'we ntsena eka n'wina.

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Esaya 54:14

U ta tiya hi ku endla leswo lulama, u nga ka u nga ha chavi nchumu, hikuva lava va ku xanisaka va ku hlasela, a va nga ha tshineli kusuhi na wena.

Pisalema 85:10

Rirhandzu ni ku tshembeka swi hlanganile, ku lulama ni ku rhula swa vukarhana.

Varhoma 7:4

Swi nga leswi ke, vamakwerhu, na n'wina mi file hi tlhelo ra Nawu, hikuva mi endla miri wun'we na Kriste; swi vula leswaku mi va un'wana, a nga yena loyi a pfuxiweke exikarhi ka vafi leswaku hi tswala mihandzu leyi tsakisaka Xikwembu.

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Ezekiele 39:29

Ndzi nga ka ndzi nga ha fularheli Vaisraele, hikuva ndzi ta va ndzi chululerile Moya wa mina ehenhla ka vona. Ndzi vula sweswo mina HOSI N'wini wa hinkwaswo!”

Esaya 1:27

Muti wa Siyoni wu ta kutsuriwa loko wu endla leswo lulama ni loko vaaki va wona va tisola, va endla leswi lulameke.

Yuwele 3:20

Kambe etikweni ra Yuda, ku ta va ni vanhu hilaha ku nga heriki, minkarhi hinkwayo, vanhu va ta va kona emutini wa Yerusalema.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Esaya 54:6

Loko ndzi ku vitana, mina HOSI, a wu fana ni wansati loyi a tshikiweke hi nuna; mbilu ya wena a yi vava ku fana ni ya loyi a tshikiweke a ha ku hloma.

Ezekiele 16:8

“Loko ku hundzile nkarhi, ndzi tlhele ndzi ta eka wena ndzi ta ku kamba, ndzi kuma leswaku u nhwana la tiyeleke; hiloko ndzi ku funengeta hi xiambalo ndzi siva tingana ta wena. Ndzi twananile na wena, ndzi tshembisa ku ku teka, ku vula mina HOSI N'wini wa hinkwaswo, kutani u vile wa mina.

Hosiya 14:4

Ku tiarisa ka vona, ndzi ta ku tshungula; ndzi ta va rhandza hi mbilu hinkwayo, hikuva sweswi a ndza ha va hlundzukelanga.

Zakariya 13:2

HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.