Hosiya 2:18 - BIBELE Mahungu Lamanene

¹⁸ Hi siku rero, ndzi ta endla ntwanano exikarhi ka wena ni swiharhi swa nhova, ni tinyanyana, ni swikokovi; ndzi ta herisa tinyimpi etikweni hi ku tekela tinhenha evurha ni fumu, kutani u ta etlela u nga ha chavi nchumu!

Xitsonga (Bibele)

¹⁸ Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Hosiya 2:18 Referans Kwoze

Ezekiele 34:25

“Ndzi ta endla na vona ntwanano lowu nga heriki, wu va tisela ku rhula, ndzi hlongola swiharhi leswo chavisa swi suka etikweni; kutani va ta kuma ku tshamiseka ni ndhawu yo etlela eka yona va nga chavi nchumu, hambi ku ri erivaleni kumbe eswihlahleni.

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Esaya 65:25

Hlolwa ni xinyimpfana swi ta dya swin'we, nghala yi ta dya byanyi ku fana ni homu, swakudya swa nyoka ku ta va ritshuri. Hinkwako entshaveni ya mina leyo hlawuleka, a ku nga vi na ku vavisana kumbe ku dlayana. Ndzi vula sweswo, mina HOSI.”

Ntirho 5:23

Wena ni maribye ya nhova, mi ta twanana, hambi swi ri swiharhi leswo leva, u ta hanyisana na swona hi ku rhula.

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Zakariya 14:4

Hi siku rolero HOSI Xikwembu xi ta yima ehenhla ka Ntshava ya Mitlhwari, yona leyi langutaneke na Yerusalema hi tlhelo ra vuxa, kutani ntshava leyi yi ta pandziwa hi le xikarhi, ku huma nkova lowukulu, wu sukela evuxeni wu ya fika evupeladyambu. Hafu ya ntshava yoleyo yi ta ntlhentlhela en'walungwini, hafu leyin'wana yi ta ntlhentlhela edzongeni.

Zakariya 3:10

“Esikwini rolero, mi ta rhambana hinkwenu, mi titshamela emindzhutini ya mirhi ya n'wina ya vhinya ni ya minkuwa. Ndzi vurisa sweswo mina HOSI ya matimba hinkwawo.”

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Yeremiya 33:16

Enkarhini wa kona, va ka Yuda va ta ponisiwa, na wona muti wa Yerusalema wu ta tshama wu hlayisekile, wu ta hamba wu vuriwa ‘HOSI-mulweri-wa-hina’!”

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Esaya 26:1

Enkarhini wolowo, va le Yuda va ta yimbelela risimu leri nge: “Hi ni muti lowu tiyeke swinene, rirhangu ra wona ni makhokholo ya wona i HOSI Xikwembu, hikuva hi xona xi hi ponisaka.

Esaya 2:17

Esikwini rero, vanhu va manyunyu va ta nyumisiwa, lava tidzunisaka va ta tsongahatiwa; HOSI Xikwembu hi xona ntsena xi nga ta dzunisiwa.

Esaya 2:11

Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Pisalema 23:2

U ndzi fikisa emadyelweni ya rihlaza, u ndzi yisa ematini layo tenga.

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Ntirho 5:22

Etindlaleni ni le makhombyeni, u ta tshama u tsakile, swiharhi swa nhova swi nga ku chavisi.

Pisalema 148:10

swiharhi ni swifuwo hinkwaswo, swikokovi ni tinyanyana, hinkwaswo a swi dzunise HOSI Xikwembu.

Esaya 32:18

Vanhu va ka hina va ta tshama endhawini leyi rhuleke, va ta aka miti leyi tiyeke, va wisa laha ku miyeleke.

Ezekiele 39:1

Xikwembu xi engeta xi ku: “Wena munhu, vulavula na Gogo, u n'wi byela leswaku mina HOSI N'wini wa hinkwaswo ndzi ni rito eka yena leri nge: ‘Ndzi lwa na wena we Gogo, mufumi lonkulu wa va le Mexeke ni va le Tubala.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.