Hosiya 2:10 - BIBELE Mahungu Lamanene

¹⁰ Ndzi ta n'wi khomisa tingana emahlweni ka swigangu swa yena, loko ndzi n'wi khomile, ku hava loyi a nga ta n'wi lamulela.

Xitsonga (Bibele)

¹⁰ Sweswi-ke, ndzi ta funungula vuhava bya yena emahlweni ka swigangu swa yena, ku nga ri na munhu la nga n'wi lamulelaka evokweni ra mina.

Hosiya 2:10 Referans Kwoze

Ezekiele 23:29

Na vona va ta ku venga ngopfu va ku xanisa; va ta ku tekela nhundzu ya wena hinkwayo, va ku siya u nga ambalanga nchumu, kutani vunghwavava bya wena byi ta voniwa hi mani na mani. Manyala ya wena ni vunghwavava bya wena,

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Hosiya 2:3

loko a nga swi tshiki, ndzi ta n'wi hluvula swiambalo, ndzi n'wi siya a fana ni siku leri a nga velekiwa ha rona; ú ta sala a fana ni mananga, a hundzuka misava leyi omeke, torha ri to tlanga hi yena.

Yeremiya 13:26

Hikokwalaho na mina ndzi ta ku hluvula swiambalo, vanhu va ku vonela.

Yeremiya 13:22

Loko u tivutisa u ku: “Xana makhombo lawa ndzi vangeriwa hi yini xana?” tiva leswaku valala va ku hluvula swiambalo va ku pfinya hikwalaho ka ku tala ka swidyoho swa wena!

Esaya 3:17

Hikokwalaho, vavasati va Siyoni, mina HOSI N'wini wa hinkwaswo ndzi ta va guvula misisi hi mantshasi, va sala ni mimpandla.”

Swivuriso 11:21

Lowo homboloka a nge poni, ú ta biwa hakunene! Kambe lava lulameka va ta pona.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Hosiya 6:9

Vaprista va fana ni swigevenga leswi tumbelelaka vanhu, va hlengeletana endhawini yin'we, va dlaya vanhu endleleni yo ya eXikeme; leswi va swi endlaka i manyala ntsena.

2 TIKRONIKA 24:7

Naswona, Ataliya, wansati loyi wo homboloka, hi yena ni vanhu va yena lava nga tshika yindlu ya Xikwembu yi hlakala; hambi swi ri swingolongondzwana swa yona, va swi tirhisile ku ya gandzela swikwembu swa vona swa Baali.”

Ezekiele 16:16

U tekile swin'wana swa swiambalo swa wena, u ya sasekisa ha swona switsunga swa vukhongeri bya hava, u swi andlalela vunghwavava bya wena. Mhaka yo tano a yi nga fanelanga ku va kona, naswona yi nga tshuki yi va kona nakambe!

Ezekiele 16:19

Naswona swakudya leswi ndzi ku nyikeke swona, swi nga swa mapa lamanene ni mafurha ni vulombe leswi ndzi ku phameleke swona, u endlile ha swona magandzelo layo nun'hwela, u swi hisela swifaniso swa hava. Ina, swi vile tano; ndzi vula sweswo mina HOSI N'wini wa hinkwaswo.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Hosiya 13:1

Khale loko va ka Efrayimi va vulavula, a va rhurhumerisa vanhu; a va chaviseka exikarhi ka Vaisraele, kambe sweswi va wele enandzwini wo gandzela Baali, va tivangela rifu.