Hosiya 14:9 - BIBELE Mahungu Lamanene

⁹ Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Xitsonga (Bibele)

⁹ Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Hosiya 14:9 Referans Kwoze

Swivuriso 10:29

HOSI Xikwembu i khokholo ra munhu la tshembekeke, kambe xi herisa lava dyohaka.

Pisalema 107:43

Munhu wo tlhariha a a xiyaxiye timhaka leti, kutani ú ta twisisa leswaku HOSI Xikwembu xi ni rirhandzu!

Yohane 8:47

Loyi a humaka eka Xikwembu ú yingisa marito ya Xikwembu; kambe n'wina a mi yingisi, hikuva a mi humi eka Xikwembu.”

Daniele 12:10

Lavo tala va ta tibasisa, va va lava tengeke; kambe lavo homboloka va ta endla leswo biha, naswona a ku nga vi na un'we wa vona loyi a nga ta twisisa leswi humelelaka. Kambe lava tlhariheke, hi vona ntsena lava nga ta twisisa.

Sofoniya 3:5

Kambe HOSI Xikwembu lexi nga mutini lowu, xi lulamile, a xi endli nchumu xo biha; mixo wun'wana ni wun'wana xi komba ku lulama ka xona, tanihi vurhonga, a xi tluli siku; hambiswiritano, lavo homboloka a va khomi hi tingana!

Yeremiya 9:12

Xana i mani munhu wo tlhariha loyi a nga twisisaka swilo leswi xana? Xana i mani loyi HOSI Xikwembu xi vulavuleke na yena, la nga tivisaka leswi xi n'wi byeleke swona xana? Hikwalaho ka yini tiko ri onhakile ri tshwa ri hundzuka mananga, ku nga ha hundzi munhu eka rona, xana?

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Yohane 18:37

Pilato a ku ka yena: “Hikokwalaho, u hosi, a hi swona ke?” Yesu a hlamula, a ku: “Ku vula wena leswaku ndzi hosi. Leswi ndzi velekeriweke swona ni leswi ndzi nga tela swona laha misaveni, i ku ta ndzi ta veka vumbhoni ehenhla ka ntiyiso. Un'wana ni un'wana la nga wa ntiyiso, ú yingisa rito ra mina.”

Esaya 26:7

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Pisalema 119:128

Hikokwalaho, swiletelo swa wena hinkwaswo hi swona swi ndzi kombaka ndlela leyinene; a ndzi twanani ni mikhuva ya vakanganyisi.

Pisalema 119:75

We HOSI, ndza swi tiva leswaku u boha timhaka hi ku lulama, hikokwalaho a wu hoxanga loko u ndzi tshikile ndzi xaniseka.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Varhoma 7:12

Hikokwalaho ke, nawu hi woxe wu hlawulekile, na xona xileriso xi hlawulekile, xi lulamile, hi lexinene.

Yohane 15:24

Loko a ndzi nga endlanga, exikarhi ka vona, mintirho leyi yi nga si endliwaka hi munhu na un'we, a va nga ta va na nandzu; kambe va yi vonile mintirho ya mina, kutani va hi vengile, mina na Tata wa mina.

Yohane 9:39

Yesu a ku: “Ndzi tile emisaveni leyi ku ta avanyisa vanhu, leswaku lava nga voniki va kota ku vona, ni leswaku lava vonaka va hundzuka lavo-fe-mahlo.”

Luka 7:23

Kutani ku katekile la nga ta ka a nga khunguvanyeki hikwalaho ka mina.”

Luka 2:34

Kutani Simiyoni a va katekisa, a ku ka Mariya, mana wa n'wana: “Vona, n'wana loyi ú vekiwile leswaku lavo tala va khunguvanyeka, van'wana va pfuxiwa etikweni ra Israele. Ú ta va xikombiso lexi lavo tala va nga ta lwa na xona,

Matewu 11:19

N'wana-wa-Munhu ú tile a dya, a nwa, kutani va ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’ Kambe vutlhari bya Xikwembu byi tikomba byi ri lebyo lulama hi mintirho ya byona.”

Ezekiele 18:25

“N'wina Vaisraele mi tala ku vula leswaku matirhele ya mina HOSI N'wini wa hinkwaswo a ma twali. Ndzi yingiseni! Xana i matirhele ya mani lama nga twaliki xana? I matirhele ya n'wina, ku nga ri ya mina!

Esaya 1:28

Loko va ri vadyohi ni lava fularheleke Xikwembu, vona va ta dlayiwa swin'we; lava tshikaka HOSI Xikwembu, va ta heriseriwa makumu.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Pisalema 84:7

Loko va famba, va engeteleriwa matimba masiku hinkwawo, va ko va fika emahlweni ka wena eSiyoni, we Xikwembu.

Pisalema 84:5

Ku katekile vanhu lava kumaka matimba eka wena, lava khomaka ndlela yo ya eYerusalema va tsakile.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Timhaka 13:10

“Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Swivuriso 16:21

Munhu loyi a tlhariheke, u ta vuriwa “la twisisaka”; hi ku tsokombela ka marito ya yena, ú kota ku khorwisa vanhu.

Esaya 17:8

a va nga ha hundzulukeli eka tialitari leti va nga lo tiakela, naswona a va nga ha languti swilo leswi va swi endleke hi mavoko ya vona vinyi, swo fana ni timhandze ta Axera xikwembukazi, na tialitari ta mirhi ya risuna.

Yeremiya 29:12

Loko mi ta ku ta vulavula na mina ni ku ndzi gandzela, ndzi ta mi yingisa.

Ezekiele 11:18

Loko va fika etikweni rero, va ta susa swilo hinkwaswo leswo nyangatsa swa manyala leswi endliwaka eka rona.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.