Hosiya 14:2 - BIBELE Mahungu Lamanene

² Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Xitsonga (Bibele)

² Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Hosiya 14:2 Referans Kwoze

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Ntirho 7:21

U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Luka 18:13

Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

2 SAMIELE 24:10

Endzhaku ka loko Davhida a hlayile vanhu, a biwa hi ripfalo, kutani a ku ka HOSI Xikwembu: “Ndzi dyohe ngopfu eka leswi ndzi swi endleke, kambe sweswi, we HOSI Xikwembu, ndzi kombela leswaku u susa nandzu wa mina nandza wa wena; hikuva leswi ndzi swi endleke i vuphukuphuku lebyikulu!”

2 SAMIELE 12:13

Kavaloko Davhida a ku ka Natani: “Ndzi dyohele HOSI Xikwembu.” Natani a ku ka Davhida: “HOSI Xikwembu xona xa ku rivalela; u nga ka u nga fi.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaheveru 10:4

Hikuva swi nga ka swi nga endleki leswaku ngati ya tinkuzi ni ya timbuti yi susa swidyoho.

Varhoma 11:27

Kutani hi wona ntwanano lowu ndzi nga ta wu endla na vona, loko ndzi susa swidyoho swa vona.”

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Luka 11:13

Kutani ke, leswi n'wina mi nga vanhu va tihanyi, mi tivaka ku nyika vana va n'wina swilo leswinene, xana Tatana wa le tilweni a nge tlurisi ngopfu ku nyika Moya lowo Kwetsima eka lava kombelaka ka yena xana?”

Matewu 7:11

Kutani ke, leswi n'wina vanhu va tihanyi mi tivaka ku nyika vana va n'wina swilo leswinene, xana Tata wa n'wina la nge matilweni, a nge tlurisi ngopfu ku nyika leswinene eka lava kombelaka eka yena xana?

Zakariya 3:4

Kutani ntsumi yi byela malandza ya yona yi ku: “N'wi hluvuleni swiambalo leswi swa thyaka.” Kutani yi ku ka Yoxuwa: “Vona, ndzi susile nandzu wa wena, kutani sweswi ndzi ta ku ambexa swiambalo swa nkhuvo.”

Esaya 6:7

Kutani yi khumba nomo wa mina yi ku: “Ndzilo lowu wu khumbile milomo ya wena; hikokwalaho vubihi bya wena byi herisiwile, u rivaleriwile ni swidyoho swa wena.”

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Pisalema 51:16

Ku humeseriwa magandzelo a wu swi lavi; hambi ndzi nga ku hisela wona, ma nga ka ma nga ku tsakisi.

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Pisalema 119:108

We HOSI, amukela xikhongelo xa mina xa ku nkhensa, kutani u ndzi dyondzisa leswi u swi boheke.

Hosiya 6:6

Ndzi tsakela ku rhandziwa, ku nga ri ku humeseriwa magandzelo, ni ku tirheriwa mina Xikwembu, ku tlula ku hiseriwa mirhi ya risuna.

Yonasi 2:9

Kambe loko a ri mina, ndzi ta endla leswi ndzi swi hlambanyeke: Ndzi ta ku humesela magandzelo, hi tinsimu to tlangela. Hakunene Xikwembu xa ponisa!”

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Yeremiya 3:12

Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Hosiya 5:5

Ku tikurisa ka vanhu va tiko ra Israele ka va mangalela, milandzu ya va ka Efrayimi yi ta va khugula va wa, va tiko ra Yuda na vona va ta wa swin'we ni va ka Efrayimi.

Hosiya 12:7

Muxavisi loyi a tirhisaka mimpimo leyi nga riki yona, ú tsakela ku xisa vanhu.