Hosiya 14:1 - BIBELE Mahungu Lamanene

¹ N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Xitsonga (Bibele)

¹ Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 14:1 Referans Kwoze

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Hosiya 13:9

N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Swirilo 5:16

Yóò! Hi le khombyeni, hikuva hi dyohile, kutani harhi ya ntsako yi sukile etinhlokweni ta hina.

Hosiya 5:5

Ku tikurisa ka vanhu va tiko ra Israele ka va mangalela, milandzu ya va ka Efrayimi yi ta va khugula va wa, va tiko ra Yuda na vona va ta wa swin'we ni va ka Efrayimi.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Esaya 19:22

HOSI Xikwembu xi ta ba tiko ra Egipta. Xi ta ri ba xi tlhela xi ri horisa; Vaegipta va ta tlhelela eka xona, kutani xi ta yingisa ku tisola ka vona, xi va horisa.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Ezekiele 33:14

Hi tlhelo rin'wana, ndzi nga tshuka ndzi byela munhu wo homboloka leswaku ú ta fa hakunene, kambe munhu loyi a hundzuka a tshika swidyoho swa yena, a endla leswi nga swona, swi nga leswo lulama;

Hosiya 4:8

Va kuma vuswa bya vona hi ku dyoha ka vanhu va mina, va navela ngopfu ku va languta va endla leswo homboloka.

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Hosiya 10:12

Tibyaleleni ku lulama hi n'wexe, kutani mi ta tshovela mihandzu ya tintswalo ta n'wina; rimani masimu lawa mi ma tshetsheke, hikuva hi wona nkarhi wa ku lava HOSI Xikwembu leswaku xi ta ta xi ta mi nisela minkateko.

Hosiya 12:8

Va ka Efrayimi va ri: “Hina hi fumile, rifuwo leri, hi tihlengeleterile rona hi hexe!” Kambe rifuwo ra vona hinkwaro ri nge swi koti ku siva nandzu lowu va wu endleke.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”

Ezekiele 16:46

Muti wa Samariya ni swimitana swa wona en'walungwini i hosi ya wena ya xisati; kasi muti wa Sodoma ni swimitana swa wona i ntsongwana ya wena ya xisati edzongeni.

Hosiya 9:13

Ndza swi vona leswaku vana va n'wina va ka Efrayimi va ta hlotiwa ku fana ni swiharhi; hi n'wina mi nga ta va khayimela laha va nga ta dlayeriwa kona.

Amosi 1:13

HOSI yi vurisa sweswo yi ri: “Ndzi nga ka ndzi nga tshiki ku ba Vaamoni, hikuva va dyoha va vuyelela-vuyelela: Loko va ri karhi va lwela ku engetela tiko ra vona, va handzurile makhwiri ya vavasati lava tikeke va le Giliyadi.