Hosiya 13:7 - BIBELE Mahungu Lamanene

⁷ hikokwalaho, ndzi ta va tela ku fana ni nghala, ndzi va tumbelela endleleni ku fana ni yingwe.

Xitsonga (Bibele)

⁷ Kutani ndzi hundzukile eka vona kukotisa nghala, kukotisa yingwe ndzi ta va rindza endleleni.

Hosiya 13:7 Referans Kwoze

Hosiya 5:14

hikuva ndzi ta fana ni nghala loko ndzi yela va ka Efrayimi, eka va ka Yuda ndzi ta fana ni xinghalana. Mina hi xiviri xa mina ndzi ta va phatlulela, ndzi va rhwala ndzi famba na vona, ku pfumaleka wo va lamulela.

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Swirilo 3:10

Eka mina ú fana ni xinkankanka lexi xi ndzi bvutameleke, onge i nghala leyi yi ndzi tumbeleleke.

Amosi 3:8

I mani a nga rhurhumeliki, loko nghala yi bonga xana? Xana i mani la nga alaka ku va muprofeta, loko HOSI N'wini wa hinkwaswo a vulavurile, xana?

Amosi 3:4

Xana nghala yi nga bonga exihlahleni, yi nga kumanga lexi yi nga xi khomaka ke? Hambi n'wana wa nghala, xana wa vomba ebakweni, loko a nga vuyanga na nchumu xana?

Amosi 1:2

Kutani Amosi a ku: “HOSI Xikwembu xi bonga eSiyoni, rito ra xona ri duma ri huma eYerusalema, kutani lomu varisi va dyiselaka kona, ka tshwa, swimila swi vuna enhlohlorhini ya ntshava ya Karmele.”

Esaya 42:13

HOSI Xikwembu xi fana ni nhenha leyi humaka nyimpi, xi kombisa vukari bya xona kukota nghwazi; xa huwelela xi ba huwa leyikulu, xi komba matimba ya xona emahlweni ka valala va xona.

Nhlavutelo 13:2

Xivandzana lexi ndzi xi voneke, a xi fana ni yingwe, milenge ya xona a yi fana ni ya bere, ni nomo wa xona a wu fana ni nomo wa nghala. Kutani dragona yi nyika ntamu wa yona eka xivandzana lexi, yi xi nyika ni xiluvelo xa yona ni matimba lamakulu.

Ntirho 10:16

Loko ndzi tipfuxa hi ndzexe, wena u ndzi hlota onge wo va nghala, u ndzi hlasela hi ndlela yo hlamarisa.

Yeremiya 25:38

Murisi ú ta suka a siya ntlhambi wa yena kukota nghala leyi siyaka xihlahla xa yona, hikuva tiko ra Vaisraele ri hundzuke mananga, hikwalaho ka tinyimpi leti ti ri hlaseleke, ni vukari lebyi chavisaka bya HOSI Xikwembu.”