Hosiya 13:2 - BIBELE Mahungu Lamanene

² Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Xitsonga (Bibele)

² Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!

Hosiya 13:2 Referans Kwoze

Hosiya 2:8

“A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Esaya 46:6

Vanhu va humesa nsuku lowo tala eminkwameni ya vona, va pima na silivhere hi swikalu, va swi yisa eka mufuri wa nsuku, va n'wi thola leswaku a va endlela xikwembu ha swona, kutani va nkhinsama va xi gandzela.

1 TIHOSI 19:18

Hambiswiritano ndzi ta siya vanhu va 7 000 etikweni ra Israele, va nga hinkwavo lava nga nkhinsamelangiki Baali, hinkwavo lava nga ntswontswangiki xifaniso xa yena.”

Yeremiya 10:4

yi sasekisiwa hi nsuku ni silivhere, kutani va yi belela swipikiri hi nyundzu, va endlela ku yi tiyisa, yi nga wi.

Varhoma 11:4

Kambe Xikwembu xi n'wi hlamurile yini xana? Xi te: “Ndzi tihlayisele vavanuna va 7 000, lava nga nkhinsamelangiki Baali.”

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Hosiya 11:6

Banga ri ta rhendzeleka ni miti ya vona, ri ta pulukanya timhandze etinyangweni ta miti ya vona, ri va dungadunga emakhokholweni ya vona.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Hosiya 8:6

Rhole ra kona ri endliwile hi mavoko ya vanhu va Israele; rhole leri ra Samariya, a hi xikwembu, ri ta fayeteriwa!

Hosiya 8:4

Va tivekerile tihosi, kambe a hi mina ndzi va byeleke, va tihlawulerile varhangeri, kambe mina a va ndzi vikelanga. Va tiendlerile swikwembu swa swifaniso hi silivhere ya vona ni nsuku wa vona, swi nga swilo leswi swi nga ta va dlayisa.

Esaya 46:8

“N'wina va-ma-ka-tindleve, anakanyani timhaka leti, mi ti veka embilwini, mi nga tshuki mi ti rivala.

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Esaya 30:1

HOSI Xikwembu xi vurisa sweswo, xi ri: “Va ni khombo, vana lava va mina vo ka la va nga yingisi, va endla makungu va nga ndzi byelanga, va boha mintwanano na van'wana, moya wa mina wu nga swi tsakeli, va tlhandleka xidyoho ehenhla ka xidyoho.

Esaya 1:5

Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

2 TIKRONIKA 33:23

Manase a a titsongahatile a tisola, kambe n'wana wa yena Amoni a nga titsongahatanga, swidyoho swa yena swi ya swi kula.

2 TIKRONIKA 28:13

va ku ka wona: “Mi nga ka mi nga nghenisi vakhomiwa lava laha mutini, hikuva makungu ya n'wina lawa ma ta hi vangela nandzu emahlweni ka HOSI Xikwembu, wu tlhandlekiwa ehenhla ka swidyoho swa hina ni milandzu ya hina leyo tala. Kutani sweswi Xikwembu xi hlundzukele hina Vaisraele.”

1 SAMIELE 10:1

Kavaloko Samiele a teka rimhondzo ra mafurha, a ma chela enhlokweni ya Sawulo, kutani a n'wi ntswontswa a ku: “Hi mafurha lawa, hakunene HOSI Xikwembu xi ku veka ku va mufambisi wa tiko ra xona.

Tinhlayo 32:14

Hi leswi, na n'wina mi tekelela swa vatata wa n'wina; mi lo velekiwa mi ri na byona vubihi hinkwabyo lebyi nga ta pfurhisa vukari bya HOSI Xikwembu, xi karihela Vaisraele!

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Hosiya 4:17

Va ka Efrayimi va twanana ngopfu ni swikwembu swa hava, va tshikiseni sweswo!

Hosiya 8:5

N'wina va le Samariya, rhole ra n'wina ra ndzi nyenyetsa. Vanhu lava va ndzi hlundzukisa ngopfu, xana va ta tshama ku fikela rini va nga tenganga, xana?

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Esaya 44:11

Vonani, hinkwavo lava khongelaka swifaniso va ta khomiwa hi tingana, hikuva swilo leswi, swi endliwile hi vanhu. A va te ehubyeni va ta tenga, va ta nyuma, va rhurhumela.

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Hosiya 11:2

Loko ndzi va vitana, vona vo ala, va ndzi fularhela; va ya emahlweni va humesela Baali emagandzelo, va hisela swikwembu swa hava emirhi ya risuna.