Hosiya 13:15 - BIBELE Mahungu Lamanene

¹⁵ Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Xitsonga (Bibele)

¹⁵ Ni loko Efrayimi a veka mihandzu exikarhi ka vamakwavo, moya wa vuxa wu hunga, mheho ya Yehovha yi pfa emananga: ku ta phya xihlovo xa yena, miseledyana ya yena yi ta oma. Ku ta phangiwa xuma xa mitirho hinkwayo ya yena leyi pfumariwaka.

Hosiya 13:15 Referans Kwoze

Ezekiele 19:12

Kambe vanhu va tihanyi va simurile murhi lowu, va wu cukumeta ehansi, wu omisiwa hi moya wa le vuxeni, mihandzu ya wona yi dzudzeka, na wona nsinya wa kona lowukulu wu oma, wu hisiwa hi ndzilo.

Ezekiele 17:10

Hambileswi wu byariweke khale, a wu nga ha hluki, wu ta biwa hi moya wa le vuxeni, kutani wu ta vuna, wu omela kwala wu byariweke kona!”

Yeremiya 4:11

Enkarhini wolowo, HOSI Xikwembu xi ta tivisa vanhu lava ni va le Yerusalema, xi ku ka vona: “Moya wo hisa wa le mananga wu ta ta, wu huma hi le henhla ka switsunga wu hunga ehenhla ka vanhu va mina. A wu nga vi moya lowutsanana wo hahisa mungu!

Genesa 49:22

“Yosefa i murhi wo tswala ngopfu, kusuhi ni mati, murhi lowu marhavi ya wona ma kapekaka ehenhla ka khumbi.

Genesa 41:52

Kutani Yosefa a thya n'wana wa yena wa vumbirhi evito ra Efrayimi, hikuva a a ku: “Xikwembu xi ndzi nyikile vana etikweni leri ndzi xanisekeke eka rona.”

Nahume 2:9

Phanghani silivhere, mi phangha ni nsuku! Mi nga ka mi nga heti swa le vuhlayiselweni bya kona, ni xuma xa kona xa swilo swa risima swa tinxaka-xaka.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Hosiya 9:11

Ku dzuneka ka n'wina va ka Efrayimi, ku ta dzudzeka ku fana ni mberha, a mi nga ha veleki, ni ku tika a mi nga ha tiki, ni nyoka a yi nga ha khomi.

Hosiya 4:19

Va ta khumbumetiwa hi xihuhuri, magandzelo ya vona ma ta va khomisa tingana.

Daniele 11:8

Kutani va ta phangha swikwembu swa vona leswo vumbiwa kunene, ni swibya swa kona leswo saseka swa silivhere ni nsuku, va rhwala va ya na swona le Egipta. Kutani ku ta va ni malembenyana ya ku rhula, Vaegipta va nga ha hlaseli Vasiriya en'walungwini.

Yeremiya 51:36

HOSI Xikwembu xi hlamula xi ku: “Yingisani! Ndzi ta mi lwela, ndzi rihiseta leswi va le Babilona va mi endleke swona: Ndzi ta phyisa milambu ya vona ni swihlovo swa vona.

Yeremiya 20:5

Tlhandlakambirhi, rifuwo hinkwaro ra muti, ni nhundzu ya wona hinkwayo, ni swilo swa nkoka hinkwaswo leswi nga ka wona, ni xuma hinkwaxo xa tihosi ta Yuda, ndzi ta swi nyiketa valala va tona, kutani vona va ta swi phangha hinkwaswo, va famba na swona le Babilona.

Esaya 41:16

mi ta swi peperha, moya wu swi hahisa, xihuhuri xi ta swi hangalasa, kutani mi ta kuma ku tsaka eka mina HOSI, mi va mi dzuneka eka mina Muhlawuleki wa Israele.

Esaya 17:13

Vanhu va matiko va ba pongo ku fana ni maboboma, kambe Xikwembu xi ta va tshinya, va tsutsuma va ya kule swinene, kukota mungu lowu hahisiwaka hi moya etintshaveni, kumbe ritshuri loko ku ri na xidzedze.

Esaya 14:21

Lulamisani laha vana lava va nga ta dlayeriwa kona, va fela swidyoho swa tata wa vona, hikuva va nga tshuka va va ni matimba, va hlula misava hinkwayo, va aketela miti hinkwako.”

Pisalema 109:13

na vona a va love hinkwavo, va hela va ku bì, xivongo xa ka vona xi hatla xi nyamalala.

Pisalema 1:4

Kasi a swi tano eka lavo homboloka: Vona va fana ni mungu lowu hangalasiwaka hi moya.

Ntirho 18:16

Ú fana ni murhi wo oma timitsu, lowu matluka ya wona ma vunaka.

Duteronoma 33:17

Va ka Yosefa va chavisa ku fana ni nkuzi, va ni matimba kukota nyarhi: Va susumeta vamatiko, va va tlherisela emakun'wini ya misava; magidi-gidi ya va ka Efrayimi, hi walawo, ni madzana-dzana ya va ka Manase!”

Genesa 48:19

Kambe tata wa yena a ala, kutani a ku: “Ndza swi tiva, n'wananga, ndza swi tiva. Na yena ú ta va ni tiko ni vatukulu lavo tala; kambe ndzisana hi yena la nga ta va tiko lerikulu ngopfu; vatukulu va yena va ta va ntsandza-vahlayi.”

Genesa 41:6

Endzhaku ka yona, ku mila min'woko ya 7 ya koroni, leyi nga chelangiki, leyi vunisiweke hi moya wa le vuxeni,

Esaya 27:8

HOSI Xikwembu a xi va banga ku tlula mpimo, xi lo va yisa evukhumbini, xi va rhwarile hi moya wa xona wa matimba wo fana ni xidzedze xo huma evuxeni.

Yeremiya 4:12

Moya lowu humaka eka mina wu ta va ni matimba ngopfu, hi mina HOSI ndzi nga ta vulavula, ndzi avanyisa vanhu va mina.”

Yeremiya 51:1

HOSI Xikwembu xi vurisa sweswo xi ri: “Vonani! Ndzi ta hungisa moya lowu herisaka, wu ta ba muti wa Babilona ni vaaki va tiko ra Kalediya.

Hosiya 2:3

loko a nga swi tshiki, ndzi ta n'wi hluvula swiambalo, ndzi n'wi siya a fana ni siku leri a nga velekiwa ha rona; ú ta sala a fana ni mananga, a hundzuka misava leyi omeke, torha ri to tlanga hi yena.

Yonasi 4:8

Loko dyambu ri tlakukile, Xikwembu xi hungisa moya wo hisa ngopfu wa vuxa, kutani dyambu ri ba nhloko ya Yonasi, ku kondza loko a lava ku titivala. Hiloko a kombela ku fa, a ku: “Eka mina, ku hanya swi tlula hi ku fa.”

Genesa 41:23

Kutani ku huma min'woko yin'wana ya 7 leyi nga chelangiki, leyi vunisiweke hi moya wa le vuxeni.