Hosiya 12:4 - BIBELE Mahungu Lamanene

⁴ Ú pfinyanile ni ntsumi a yi hlula, a rila a kombela ku katekisiwa. Ú hlanganile ni Xikwembu eBetele, kutani Xikwembu xi vulavula na yena kona.

Xitsonga (Bibele)

⁴ U khome makwavo hi xirhendze a ha ri ekhwirini ra mana wa yena, ni le vukulwini bya yena wa ha lwa ni Xikwembu.

Hosiya 12:4 Referans Kwoze

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Genesa 35:15

Ndhawu leyi Yakobo a a ri ka yona loko Xikwembu xi vulavula na yena, a yi thya vito ra Betele (hileswaku: “Yindlu-ya-Xikwembu”).

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

1 Vatesalonika 4:17

kutani hina lava hi nga ta va ha ha hanya, hi ta tlakuriwa hi ya ehenhla emapapeni swin'we na vona, hi ya hlangana na Hosi empfhukeni. Kutani hi mukhuva wolowo, hi ta va na Hosi hilaha ku nga heriki.

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Pisalema 66:6

Xi hundzule lwandle ri va tiko leri omeke, vanhu va tsemakanyile nambu hi milenge. Hikokwalaho, a hi xi beleni nkulungwana!

Genesa 48:15

Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Genesa 32:29

Kutani Yakobo a ku ka yena: “Ndzi kombela leswaku u ndzi byela vito ra wena.” Kambe yena a ku: “Xana u vutisela yini vito ra mina xana?” Kutani a katekisa Yakobo.

Genesa 32:24

kambe yena a sala a ri yexe. Kutani ku humelela munhu un'wana a fika a pfinyana na yena ku kondza ri xa.

Genesa 32:26

Kutani munhu loyi a ku: “Ndzi tshike ndzi famba, hikuva ri lava ku xa.” Kambe Yakobo a ku: “Ndzi nge ku tshiki loko u nga si ndzi katekisa.”

Genesa 25:26

Endzhaku ku ta ku ta huma makwavo wa Esawu, a khomile Esawu hi xirhendze; hikokwalaho a thyiwa vito ra Yakobo. Loko Rhaveka a veleka vana lava, Isaka a a ri ni malembe ya 60.

Genesa 32:25

Loko munhu loyi a vona leswaku wa tsandzeka ku hlula Yakobo hi ku pfinyana na yena, o n'wi ba nyonga yi suleka.