Hosiya 12:13 - BIBELE Mahungu Lamanene

¹³ HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.

Xitsonga (Bibele)

¹³ Yakobo u chavile etikweni ra Aramu; Israele u tirhele wansati, ku kuma nsati a tiendle murisi.

Hosiya 12:13 Referans Kwoze

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

1 SAMIELE 12:8

Loko Yakobo a yile le Egipta, vatata wa n'wina va huwelerile eka HOSI Xikwembu, kutani xona xi va rhumerile Muxe na Aroni, lava va va humeseke le Egipta, va ta va veka endhawini leyi.

Eksoda 14:19

Kutani ntsumi ya Xikwembu leyi a yi rhangela mintshungu ya Vaisraele, yi suka yi ya endzhaku ka vona. Na rona papa leri a ri nembelela emahlweni ka vona ri suka ri ya yima hi le ndzhaku ka vona,

Tinhlayo 12:8

Muxe ndzi hlamulana na yena hi nomo, a twa leswi ndzi swi vulaka, hikuva a swi lavi nhlamuselo; ú vona ni xivumbeko xa mina. Kutani hikwalaho ka yini n'wina mi nga chavi ku hleva Muxe nandza wa mina xana?”

Hosiya 2:15

Ndzi ta n'wi tlherisela mitanga ya yena ya vhinyo kwale mananga, ndzi hundzula ni Nkova wa Akora wu va ‘Nyangwa-ya-ku-Tshemba’. Ú ta vulavula na mina ku fana ni loko a ha bomba xinhwana, eminkarhini leyi a humeke ha yona etikweni ra Egipta.

Hosiya 11:1

Israele ndzi n'wi rhandzile loko a ha ri n'wana, ndzi vitanile n'wananga a huma Egipta.

Genesa 28:2

Yana emutini wa Betuwele tata wa mana wa wena ePadani-Aramu, u ya teka un'wana wa vana va Labani makwavo wa mana wa wena, a va nsati wa wena.

Genesa 29:20

Kutani Yakobo a tirha malembe ya 7 leswaku a ta kuma Rahele. Eka Yakobo, malembe lawa a ma vonaka wonge mo va masiku ma nga ri mangani, hikuva a a rhandza Rahele swinene.

Duteronoma 26:5

“Kutani mi ta yima emahlweni ka HOSI Xikwembu xa n'wina, mi vula marito lawa mi ku: ‘Tatana a a ri Muaramu loyi a a tsendzeleka ni matiko. Ú yile etikweni ra Egipta a ri ni vanhu vatsongo, a ya luvela kona. Kambe loko a ri kwale, ú hundzukile tiko lerikulu ra matimba.