Hosiya 12:11 - BIBELE Mahungu Lamanene

¹¹ Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Xitsonga (Bibele)

¹¹ Ndzi vulavurile ni vaprofeta, ndzi andzisile swikombiso, kambe hi vaprofeta ndzi vulavurile swifaniso.

Hosiya 12:11 Referans Kwoze

Hosiya 8:11

Va ka Efrayimi va akile tialitari leto tala, va lava ku susa swidyoho, kambe ti hundzukile tialitari leti ti va dyohisaka.

Hosiya 6:8

Muti wa Giliyadi i wa lava endlaka leswo biha, eka wona, ngati vo famba ehenhla ka yona.

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Hosiya 9:15

Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Yonasi 2:8

Lava namarhelaka swikwembu swa hava va hambana ni vukhongeri bya xiviri.

Amosi 5:5

mi nga tshuki mi lava swa le Betele, hikuva muti wa Betele wu ta sala wu nga ha ri nchumu, hambi ku ri eGiligala mi nga ngheni, hikuva vanhu va Giligala va ta ya evukhumbini hakunene, ni le Berexeba, mi nga tshuki mi tsemakanyela kona.”

Amosi 4:4

“Tanani eBetele, mi ta dyohela kona, mi ya engetelela le Giligala! Humesani magandzelo ya n'wina mpundzu wun'wana ni wun'wana, mi humesa vukhume bya swilo swa n'wina endzhaku ka masiku manharhu;

Yeremiya 10:15

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Yeremiya 2:28

Xana swi kwihi swikwembu swa n'wina leswi mi tiendleleke swona xana? Pfuxani swona, hi vona loko swi nga mi pfuna loko mi ri ekhombyeni! Swikwembu swa n'wina va ka Yuda i swinyingi, swi ringana ni miti ya n'wina hi ku tala.”

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Hosiya 10:2

Timbilu ta vona ti tele vukanganyisi, kutani va ta dlawela milandzu ya vona. Xikwembu xi ta mbindzimuxa tialitari ta vona, xi fayetela ni maribye ya vona ya vukhongeri bya hava.

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

2 TIHOSI 17:13

Kasi HOSI Xikwembu a xi tsundzuxile vanhu va Israele ni va Yuda, hi nomo wa vaprofeta ni wa varhumiwa va xona hinkwavo, xi ku: “Fularhelani mahanyelo ya n'wina layo biha, mi hlayisa swileriso swa mina ni milawu ya mina, hi ku landza Nawu lowu ndzi wu leriseke vakokwa wa n'wina, lowu ndzi mi rhumeleke wona hi nomo wa vaprofeta malandza ya mina.”

Ezekiele 17:2

“Wena munhu, yana eka Vaisraele, u tirhisa ntshayito kumbe xifaniso ku va hlamusela leswi mina HOSI N'wini wa hinkwaswo ndzi lavaka ku va byela swona; xifaniso xa kona hi lexi: “A ku ri ni gama lerikulu ra timpapa to leha to anama, ni tinsiva to tala ta mavalavala; siku rin'wana ri fika entshaveni ya Lebanoni, ri phatlula xirhabyana emaninginingini ya murhi wa Kedari.