Hosiya 11:1 - BIBELE Mahungu Lamanene

¹ Israele ndzi n'wi rhandzile loko a ha ri n'wana, ndzi vitanile n'wananga a huma Egipta.

Xitsonga (Bibele)

¹ Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.

Hosiya 11:1 Referans Kwoze

Matewu 2:15

a ya tshama kona Heroda a kondza a fa, leswaku ku hetiseka leswi nga vuriwa hi Hosi, hi nomo wa muprofeta la nga te: “Ndzi vitanile n'wananga, a huma etikweni ra Egipta.”

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Hosiya 13:4

Ku sukela etikweni ra Egipta, mina HOSI ndzi vile Xikwembu xa n'wina; a mi na xin'wana Xikwembu ehandle ka mina, ehandle ka mina ku hava loyi a nga mi pfunaka.

Hosiya 2:15

Ndzi ta n'wi tlherisela mitanga ya yena ya vhinyo kwale mananga, ndzi hundzula ni Nkova wa Akora wu va ‘Nyangwa-ya-ku-Tshemba’. Ú ta vulavula na mina ku fana ni loko a ha bomba xinhwana, eminkarhini leyi a humeke ha yona etikweni ra Egipta.

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Malakiya 1:2

HOSI Xikwembu xi ku ka Vaisraele: “Ndza mi rhandza, kambe n'wina mi ndzi vutisa, mi ku: ‘U hi komba ha yini leswaku wa hi rhandza xana?’ Kutani mina HOSI ndzi ri: Xana Esawu a hi makwavo wa Yakobo xana? Hambiswiritano, ndzi rhandzile Yakobo,

Hosiya 12:13

HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.

Ezekiele 16:6

“Enkarhini lowu a wa ha ku velekiwa, ndzi hundzile kusuhi na wena, ndzi ku kuma u ri karhi u thaka-thakisa swinengana, u lo tshwukelana ni ngati; hiloko ndzi ku: ‘Hambileswi u nga lo pyì, hi ngati, u fanele ku hanya! Ina u fanele ku hanya, hambileswi u nga lo pyì, hi ngati!’

Duteronoma 7:7

HOSI Xikwembu xi mi rhandzile, kutani xi mi hlawurile, ku nga ri leswaku a mi tlula vanhu van'wana hi ku tala, e-e. N'wina a mi ri vatsongo eka vanhu hinkwavo!

Hosiya 12:9

Ku sukela kwale tikweni ra Egipta, mina HOSI ndzi vile Xikwembu xa n'wina; ndzi ta tlhela ndzi mi tshamisa emixaxeni, ku fana ni le nkarhini wa nkhuvo lowu vekiweke.

Eksoda 4:23

kutani wena Faro, tshika n'wana loyi wa mina wa mativula a famba, a ya ndzi gandzela. Tiva leswaku loko u ala ku n'wi tshika, ndzi ta dlaya n'wana wa wena wa mativula.’ ”

Pisalema 129:1

Vaisraele a va vule va ku: “Valala va hi xanisile ngopfu ku sukela khale;

Yeremiya 12:7

HOSI Xikwembu xi ri: “Ndzi tshikile vanhu va mina, vahlawuriwa va mina, ndzi va cukumetile; varhandziwa va mbilu yanga ndzi va nyiketile emavokweni ya valala va vona.

Hosiya 10:15

Ni le ka n'wina va le Betele, swi ta endlisa sweswo, hikuva vubihi bya n'wina bya chavisa. Loko nyimpi ya ha ku sungula, hosi ya tiko ra Israele yi ta dlayiwa.

Eksoda 19:4

‘Mi swi vonile hi n'wexe leswi ndzi swi endleke eka Vaegipta; mi vonile ni hilaha ndzi mi rhwaleke hakona ndzi mi tisa ka mina, ku fana ni gama leri rhwalaka mavondlo ya rona etimpapeni.

Duteronoma 33:3

Vanhu va xona, xa va rhandza hakunene, hinkwavo lava xi nga tihlawulela vona va le vokweni ra xona, va nkhinsama emilengeni ya xona, va amukela swileriso swa xona.

Esaya 43:4

Ematshan'wini ya n'wina, ndzi ta nyiketa vanhu vambe eka valala; ndzi ta ponisa vutomi bya n'wina, hikuva ndza mi rhandza, mi ni nkoka, ma fundzheka eka mina.

Ezekiele 16:22

Loko u ri karhi u endla swilo leswi hinkwaswo swa manyala ni vunghwavava, a wu tsundzukanga minkarhi ya vuhlangi bya wena, loko wa ha tshwukelene ni ngati, u thaka-thakisa swinengana u nga ambalanga nchumu!”