Hosiya 10:5 - BIBELE Mahungu Lamanene

⁵ Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Xitsonga (Bibele)

⁵ Vaaki va Samariya va chava hikwalaho ka rhole ra Beta-Avene; hikuva tiko ra kona ri le nkosini ni vaprista va kona va rhurhumela hikwalaho ka rona, ni hikwalaho ka ku twala ka rona, hikuva ku sukile eka rona.

Hosiya 10:5 Referans Kwoze

Hosiya 9:11

Ku dzuneka ka n'wina va ka Efrayimi, ku ta dzudzeka ku fana ni mberha, a mi nga ha veleki, ni ku tika a mi nga ha tiki, ni nyoka a yi nga ha khomi.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

2 TIHOSI 23:5

Yosiyasi a hlongola vaprista va swikwembu swa hava, lava a va vekiwile hi tihosi ta Yuda leswaku va hisa mirhi ya risuna eswitsungeni leswo hlawuleka swa le mitini ya Yuda ni le matlhelweni ya Yerusalema; a hlongola ni lava hisaka mirhi ya risuna va ri karhi va gandzela Baali, ni dyambu, ni n'weti, ni Xirimela, ni tinyeleti tin'wana hinkwato.

Hosiya 13:2

Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Timhaka 19:27

Kutani ku nga humelela khombo ra leswaku ntirho lowu wa hina lowu, wu sungula ku soriwa; ku nga ri sweswo ntsena, kambe na yona tempele ya Artemi, xikwembu lexikulu, yi nga hundzuka mafenya, kutani vukulukumba bya loyi a gandzeriwaka hi tiko ra Asiya hinkwaro ni matiko hinkwawo, byi hatla byi hundzuka swa hava.”

Sofoniya 1:4

“Ndzi ta tlakusa voko ra mina, ndzi ba vanhu va le Yuda, ni vaaki hinkwavo va muti wa Yerusalema; leswi saleke swa vukhongeri bya Baali, ndzi ta swi herisa exivandleni xexo, ndzi herisa ni vaprista va kona.

2 TIKRONIKA 11:15

Yerobuwamu a a tihlawulele vaprista va yena, a va veka eswitsungeni leswo hlawuleka, laha a ku gandzeriwa swikwembu swa swiphongho ni swifaniso swa marhole leswi endliweke hi yena Yerobuwamu.

2 TIHOSI 17:16

Va tshikile swileriso hinkwaswo swa HOSI Xikwembu xa vona, kutani va n'okisa koporo, va tivumbela swifaniso swa marhole mambirhi. Naswona va vatlile mhandze ya Axera xikwembukazi, va nkhinsamela dyambu ni tinyeleti va tirhela na Baali.

2 TIHOSI 10:29

Kambe Yehu a nga fularhelanga swidyoho swa Yerobuwamu n'wana Nebati, loyi a a dyohisile Israele hi ku vumba marhole ya nsuku, a ma veka eBetele na le Dani.

Vaavanyisi 18:24

Mika a ku: “Mi tekile swikwembu swa mina leswi ndzi tiendleleke swona, mi famba na swona, mi tlhela mi teka ni muprista wa mina. Xana mina ndza ha sele na yini xana? Kutani mi ndzi vutisela yini leswaku ndzi karhata hi yini, xana?”

Yoxuwa 7:2

Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

2 TIKRONIKA 13:8

“Namuntlha, mi ri mi ta tiya emahlweni ka vuhosi lebyi HOSI Xikwembu xi byi tameriseke va ka Davhida. Ma titshemba, hikuva mi tele ngopfu, naswona mi tile ni marhole ya nsuku lama vumbiweke hi Yerobuwamu, mi ri hi swona swikwembu swa n'wina!

Esaya 46:2

Swikwembu leswi swa nkhinsama, swi lava ku wa, swi tsandzeka ku tiponisa, swi ya evukhumbini hi xiviri xa swona!

Hosiya 9:1

N'wina vanhu va tiko ra Israele, mi nga tshuki mi tsaka, mi nga bi minkulungwana ku fana ni vamatiko, hikuva mi tihambanisile ni Xikwembu xa n'wina, mi tinyiketa eka va Baali kukota tinghwavava, mi tsakisiwa hi mavele ya le swivuyeni hinkwaswo, yi nga hakelo ya vunghwavava bya n'wina.

Amosi 3:14

ndzi ta ba ni tialitari ta Betele. Timhondzo ta alitari yin'wana ni yin'wana ti ta tshoviwa, ti wela hansi.