Hosiya 10:4 - BIBELE Mahungu Lamanene

⁴ Leswi va swi vulaka a swi humi etimbilwini ta vona; loko va endla mintwanano, va tshembisa swilo leswi va nga ta ka va nga swi endli. Hikokwalaho, maavanyisele ya vona ya timhaka ma bihile, ma fana ni nhova leyi dlayaka swimilana emasin'wini.

Xitsonga (Bibele)

⁴ Va vulavula swa misava, va hlambanya hi vuhava; va endla swinakulobye; kutani ku avanyisa ku ta mila, kukotisa ximudyana xa vuhlungu lexi milaka evuhaluleni.

Hosiya 10:4 Referans Kwoze

Amosi 6:12

Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Amosi 5:7

Mi ni khombo, n'wina mi dyisaka vanhu mbitsi hi ku tshika milawu leyo lulama, n'wina mi alaka ku avanyisa hi ndlela leyinene.

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

2 Timotiya 3:3

va ta va vanhu va tihanyi, lava nga riki na ku tsetselela, valumbeti, lava nga tikotiki, lavo leva, lava vengaka leswo lulama;

Varhoma 1:31

a va na ripfalo, a va na nomo lowu tshembekeke, a va na vunene, a va na tintswalo;

Timhaka 8:23

hikuva ndza swi vona leswaku u tele mavondzo layo chavisa, ni leswaku wa ha bohiwile hi leswo homboloka.”

Hosiya 6:7

Kambe va tshovile ntwanano ku fana na Adamu, hi ku ka va nga ndzi tirhelanga hi ku tshembeka.

Esaya 5:7

Vaisraele hi vona nsimu ya vhinya ya HOSI ya matimba hinkwawo; swimila swa yona leswi tsakisaka i vanhu va Yuda; HOSI Xikwembu a xi langutele ku lulama, kambe ku vonaka ku dlayana ntsena, a xi langutele leswinene, kambe ko twala swirilo ntsena!

Duteronoma 29:18

Mi fanele ku tivonela, hikuva ku nga tshuka ku va ni wanuna kumbe wansati, kumbe vanhu va ndyangu wo karhi kumbe va nyimba yo karhi, lava namuntlha va fularhelaka HOSI Xikwembu xa hina, va ya va ya tirhela swikwembu leswi swa vamatiko. Exikarhi ka n'wina ku nga tshuka ku va ni ximilana xa mihandzu yo bava leyi dlayaka,

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Duteronoma 31:17

Loko vo endla sweswo, ndzi ta va hlundzukela swinene, ndzi va tshika, ndzi nga ha vi na mhaka na vona, kutani va ta herisiwa. Va ta humelela hi leswo biha ni makhombo layo tala, va kondza va ku: ‘Hi humeleriwa hi makhombo lawa hikuva HOSI Xikwembu a xa ha ri kona exikarhi ka hina.’