Hosiya 1:1 - BIBELE Mahungu Lamanene

¹ Lawa i marito lawa HOSI Xikwembu xi ma rhwexeke Hosiya n'wana Beri, eminkarhini ya Uziya, na Yotamu, na Akazi, na Hezekiya, tihosi ta Yuda, na Yerobuwamu n'wana Yowasi, hosi ya Israele.

Xitsonga (Bibele)

¹ Hi rona rito ra Yehovha leri teleke Hosiya, n'wana Beri, emikarhini ya Uziya, na Yotamu, na Akazi, na Hezekiya, tihosi ta Yuda, ni le mikarhini ya Yerobuwamu, n'wana Yowasi, hosi ya Israele.

Hosiya 1:1 Referans Kwoze

Varhoma 9:25

Xi vurise sweswo ebukwini ya Hosiya, loko xi te: “Lava a va nga ri vanhu va mina, ndzi ta va vula vanhu va mina; ni wansati loyi a a nga rhandziwi, ndzi ta n'wi vula murhandziwa.

Mikiya 1:1

Lawa i marito lama khumbaka muti wa Samariya ni wa Yerusalema. HOSI Xikwembu xi ma tivisile Mikiya wa le Morexeta hi xivono, eminkarhini ya Yotamu, na Akazi, na Hezekiya, tihosi ta tiko ra Yuda.

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Amosi 1:1

Lawa i marito ya Amosi, un'wana wa vafuwi va tinyimpfu emutini wa Tekowa. Xikwembu xi n'wi tivisile wona hi xivono malembe mambirhi ku nga si va ni ku tsekatseka ka misava, leswaku a ya tshinya Israele; enkarhini lowu, tiko ra Yuda a ri fumiwa hi hosi Uziya, ra Israele a ri fumiwa hi hosi Yerobuwamu n'wana Yowasi.

2 TIHOSI 15:32

Hi lembe ra vumbirhi ra ku fuma ka Peka n'wana Remaliya hosi ya Israele, Yotamu n'wana Uziya hosi ya Yuda a sungula ku fuma.

2 TIHOSI 14:16

Yowasi a tietlelela, a lahliwa eSamariya emasirheni ya vakokwa wa yena tihosi ta Israele, kutani Yerobuwamu n'wana wa yena a sala a fuma.

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

Yohane 10:35

Xi va vurile ‘swikwembu’, vona lava Rito ra Xikwembu ri fikeke eka vona; kutani Tsalwa ri nga ka ri nga herisiwi.

Zakariya 1:1

Hi lembe ra vumbirhi ra ku fuma ka hosi Dariyosi, hi n'hweti ya vu-8, HOSI Xikwembu xi rhwexa muprofeta Zakariya n'wana Berekiya wa Ido marito ya xona,

Yonasi 1:1

Siku rin'wana, rito ra HOSI Xikwembu ri ta eka Yonasi n'wana Amitayi, ri ku:

Yuwele 1:1

Lawa i marito lawa HOSI Xikwembu xi ma rhwexeke Yuwele n'wana Petuwele:

Ezekiele 1:3

Kutani kwale ribuweni ra nambu wa Kebara etikweni ra Vakalediya, HOSI Xikwembu xi vulavula na mina muprista Ezekiele n'wana Buzi, xi ndzi khoma hi matimba ya xona.

Yeremiya 1:4

HOSI Xikwembu xi vulavula na mina xi ku:

Yeremiya 1:2

HOSI Xikwembu xi sungurile ku vulavula na yena hi lembe ra vu-13 ra ku fuma ka Yosiyasi n'wana Amoni, hosi ya le Yuda,

2 TIHOSI 13:13

Yowasi a tietlelela, a lahliwa eSamariya, emasirheni ya vakokwa wa yena tihosi ta Israele. Kutani vuhosi bya yena byi sala byi tekiwa hi Yerobuwamu.

2 TIHOSI 14:23

Hi lembe ra vu-15 ra ku fuma ka Amasiya n'wana Yowasi hosi ya Yuda, Yerobuwamu n'wana Yowasi hosi ya Israele a sungula ku fuma eSamariya, kutani a fuma malembe ya 41.

2 TIHOSI 15:5

Kutani HOSI Xikwembu xi ba hosi Azariya, a khomiwa hi vuvabyi bya nhlokonho lebyi n'wi karhateke a kondza a fa, a dzumba a lo tshama endlwini ya le tlhelo a nga ha tirhi nchumu. Hikokwalaho Yotamu, n'wana wa hosi, a khomela tata wa yena entsindza ni le ku fambiseni ka timhaka ka tiko.

2 TIHOSI 15:7

Azariya a tietlelela, a lahliwa emasirheni ya vakokwa wa yena emutini wa Davhida. Kutani Yotamu n'wana wa yena a sala a fuma.

2 TIKRONIKA 27:1

Yotamu a a ri ni malembe ya 25 loko a sungula ku fuma, kutani a fuma ku ringana malembe ya 16 a ri eYerusalema. Mana wa yena a a ri Yeruxa N'wa-Sadoki.

2 TIKRONIKA 28:1

Akazi a a ri ni malembe ya 20 loko a sungula ku fuma, kutani a fuma malembe ya 16 a ri eYerusalema. A tshika tindlela ta Davhida kokwa wa yena, a endla leswo homboloka emahlweni ka HOSI Xikwembu;

2 TIKRONIKA 29:33

Kasi swifuwo swa magandzelo laman'wana swona a swi ri tinkuzi ta 600 ni tinyimpfu ta 3 000.

Esaya 7:1

Enkarhini lowu, tiko ra Yuda a ri fumiwa hi Akazi n'wana Yotamu wa Uziya. Kutani Resini hosi ya Siriya na Peka n'wana Remaliya hosi ya Israele va ya emutini wa Yerusalema ku ya wu hlasela, kambe va tsandzeka ku wu hlula.