Hagayi 2:9 - BIBELE Mahungu Lamanene

⁹ Ku dzuneka ka yindlu leya sweswi ku ta tlula ku dzuneka ka leyo sungula, ku vula mina HOSI ya matimba hinkwawo. Emutini lowu, ndzi ta simeka ku rhula loku hetisekeke evanhwini; ndzi vula sweswo, mina HOSI ya matimba hinkwawo.”

Xitsonga (Bibele)

⁹ Ku kwetsima ka yindlu ya le ndzhaku ku ta tlula ka leyo sungula, ku vula Yehovha wa mavandla; exivandleni lexi, ndzi ta veka ku rhula, ku vula Yehovha wa mavandla.’ ”

Hagayi 2:9 Referans Kwoze

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Yohane 14:27

“Ndzi mi siyela ku rhula, ndzi mi nyika ku rhula ka mina. A ndzi mi nyiki hilaha misava yi nyikaka hakona. Timbilu ta n'wina ti nga karhateki, ti nga khomiwi hi ku chava.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Luka 2:14

“Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”

Yakobo 2:1

Vamakwerhu, leswi mi nga ni ku pfumela eka Hosi ya hina Yesu Kriste, Hosi ya ku kwetsima, mi nga yi hi nghohe.

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Mikiya 5:5

hi yena la nga ta tisa ku rhula. Loko Vaasiriya va tshuka va nghenile etikweni ra hina, va kandziya entsindza, hi ta rhuma vavanuna va 7 kumbe 8 lava nga ta lwa na vona, va va varisi ni varhangeri va hina;

Esaya 60:7

Tinyimpfu hinkwato ta Kedari ni ta Nebayoto, ti ta byisiwa ti ta eka wena, u ta humesa ha tona magandzelo alitarini ya HOSI Xikwembu, u xi tsakisa ha wona. Kutani HOSI Xikwembu xi ta sasekisa Tempele ya xona ku tlula eku sunguleni.

Esaya 66:12

HOSI Xikwembu xi vurisa sweswo xi ri: “Vonani, ndzi ta mi nyika rifuwo lero tala swinene; xuma xa vamatiko xi ta khuluka xi ta ka n'wina ku fana ni nambu lowu hobomulanaka; mi ta fana ni n'wana loyi mana wa yena a n'wi tlakulaka, a n'wi xinga, a n'wi mamisa.

Hagayi 1:8

Khandziyani ntshava, mi ya rhwala timhandze, mi ta pfuxa yindlu ya mina, kutani ndzi ta tsaka ha yona, ni ku komba ku dzuneka ka mina eka yona; ndzi vula sweswo mina HOSI.

Hagayi 2:3

Xana wa ha ri kona exikarhi ka n'wina munhu loyi a voneke yindlu leyi eku sunguleni loko ya ha sasekile xana? Mi yi vonisa ku yini sweswi xana? Xana a mi yi voni leswaku a ya ha ri nchumu ke?

Zakariya 2:5

HOSI Xikwembu xi vurisa sweswo xi ri: Ndzi ta va rirhangu ra ndzilo leri nga ta rhendzela muti wa Yerusalema, kutani ndzi ta twakala exikarhi ka wona.’ ”

Ezekiele 43:5

Kutani Moya wu ndzi tlakula, wu ndzi tisa exivandleni xa le ndzeni emahlweni ka Tempele, kutani ndzi vona Tempele hinkwayo yi tele hi ku dzuneka ka HOSI Xikwembu.