Hagayi 2:6 - BIBELE Mahungu Lamanene

⁶ Mina HOSI ya matimba hinkwawo ndzi vurisa sweswo ndzi ri, ku nga ri khale, ndzi ta tsekatsekisa tilo ni misava, elwandle ni laha ku omeke.

Xitsonga (Bibele)

⁶ Hikuva Yehovha wa mavandla u vulavula, a ku: Ndza ha ta tsekatsekisa kan'we, enkarhini lowu nga ekusuhana, tilo ni misava, ni lwandle ni tiko leri omeke.

Hagayi 2:6 Referans Kwoze

Esaya 10:25

Ndzi le kusuhi swinene ni ku tshika ku mi hlundzukela, kutani ndzi ta hlundzukela Vaasiriya, ndzi va herisela makumu.

Timhaka 2:19

Ndzi ta endla swihlamariso ehenhla tilweni, ni mahlori ehansi misaveni: Ngati, ni ndzilo, ni papa ra musi.

Yuwele 3:16

HOSI Xikwembu xi bonga eSiyoni, rito ra xona ri duma ri huma eYerusalema, kutani matilo ni misava swa tsekatseka. Kambe HOSI Xikwembu i vutumbelo bya vanhu va xona, hi xona xi nga khokholo ra Vaisraele.

Esaya 29:17

Ku nga ri khale, ntshava ya Lebanoni yi ta hundzuka nsimu yo nona swinene, nsimu leyi sweswi yi noneke, yi ta hundzuka xihlahla.

Vaheveru 10:37

Hikuva, hilaha Matsalwa ma vulaka hakona, “Ka ha sele nkarhinyana ntsena, kutani loyi a taka ú ta fika, a nga ka a nga hlweli.

Ezekiele 38:20

Loko ndzi humelela, ndzi ta chavisa tinhlampfi, ni tinyanyana, ni swiharhi, ni swikokovi hinkwaswo, ndzi rhurhumerisa ni vanhu hinkwavo lava akeke emisaveni; tintshava ti ta hirimuka, maribye ya tona ma ta khungulukela hansi, rirhangu ra muti wun'wana ni wun'wana etikweni ri ta wa.

Yeremiya 51:33

HOSI ya matimba hinkwawo, Xikwembu xa Israele, xi ri: “Muti wa Babilona i xivuya xo hulela eka xona, nkarhi wo xi rhidela wu fikile, ku lo sala nkarhinyana ntsena ku nga si tisiwa mavele!”

Esaya 34:4

Dyambu ni tinyeleti hinkwato swi ta phemeleleka, matilo ma ta songiwa kukota dzovo; tinyeleti hinkwato ti ta dzudzeka kukota matluka ya vhinya kumbe ya nkuwa.

Pisalema 37:10

Ku nga ri khale, lavo homboloka va ta nyamalala, u ta va lava endhawini ya vona, kambe u nge va kumi.

Nhlavutelo 11:9

Swi teka masiku manharhu ni hafu mintsumbu leyi yi ri karhi yi hlaleriwa hi vanhu va swivongo leswo tala, va tinxaka ni tindzimi leto tala, lava humaka ematikweni layo tala, kutani va nga pfumeri leswaku mintsumbu leyi yi lahliwa esirheni.

Ntirho 9:6

Xi tsekatsekisa misava, laha yi nga kona, xi tlula-tlurisa ni tiphuphu ta yona.

Pisalema 18:7

Kavaloko misava yi ninginika, yi tsekatseka, kutani masungulo ya tintshava ma rhurhumela ni ku gudlagudla, hikuva HOSI a yi pfurha hi vukari.

Esaya 2:19

Vanhu va ta nghena emabakweni ya maribye, ni le makheleni emisaveni, va tumbela vukari bya HOSI Xikwembu, ni ku kwetsima ka xona lokukulu, loko xi humelela xi ta chavisa vanhu emisaveni.

Esaya 13:13

Siku mina HOSI ya matimba hinkwawo ndzi nga ta pfurha hi ku hlundzuka, vukari bya mina byi ta ninginisa matilo, ni misava yi ta tsekatseka yi suka evutshan'wini bya yona.

Yeremiya 33:14

“Mina HOSI ndzi ri, vonani! Nkarhi wa ta lowu ndzi nga ta hetisisa leswi ndzi swi tshembiseke Vaisraele ni va ka Yuda.

Ezekiele 38:19

Ndza tiyisa leswaku, esikwini rero, ndzi ta vanga ku tsekatseka lokukulu etikweni ra Israele, ndzi ri karhi ndzi twa ku vava, ndzi hlundzukile swinene.