Hagayi 2:4 - BIBELE Mahungu Lamanene

⁴ Kambe, hambiswiritano, tiya nhlana wena Zerubabele, ku vula mina HOSI. Tiya nhlana wena Yoxuwa muprista lonkulu n'wana Yosadaki. Na n'wina vaaki va tiko hinkwenu, tiyani nhlana; ndzi vula sweswo, mina HOSI. Tirhani, hikuva ndzi na n'wina, ku vula mina HOSI ya matimba hinkwawo.

Xitsonga (Bibele)

⁴ Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Hagayi 2:4 Referans Kwoze

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

Zakariya 8:9

HOSI ya matimba hinkwawo yi vurisa sweswo yi ri: “Tirhani mi tiyile, hikuva namuntlha mi twa marito lama vuriwaka hi vaprofeta, loko yindlu ya HOSI Xikwembu xa matimba hinkwawo yi ri karhi yi akiwa hi vuntshwa emasungulweni ya yona.

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

2 SAMIELE 5:10

Matimba ya Davhida a ma ya ma engeteleka, hikuva HOSI Xikwembu xa matimba hinkwawo a xi ri na yena.

Duteronoma 31:23

Kutani HOSI Xikwembu xi lerisa Yoxuwa n'wana Nuni, xi ku: “U fanele ku tiya, u va ni xivindzi, hikuva hi wena u nga ta fikisa Vaisraele etikweni leri ndzi hlambanyeke ku va nyika rona. Mina ndzi ta va na wena.”

2 Timotiya 2:1

Hikokwalaho n'wananga, tiya entintswalweni leti nge ka Kriste Yesu.

1 TIKRONIKA 22:13

U ta humelela ntsena loko u hlayisa milawu ni swiletelo leswi HOSI Xikwembu xi swi leriseke Muxe, swi nga leswi yena a swi dyondziseke Vaisraele. Tiya, u komba vunhenha bya wena; u nga tshuki u hela mbilu, u nga chavi.

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

1 Vakorinto 16:13

Hitekani, mi tiya swinene eku pfumeleni, mi va vavanuna, mi tinyika matimba.

Hagayi 1:13

Kutani Hagayi murhumiwa wa HOSI Xikwembu a byela vanhu leswi xi n'wi leriseke swona, a ku: “HOSI Xikwembu xi vurisa sweswo, xi ri: ‘Ndzi na n'wina.’ ”

Timhaka 7:9

“Kutani vakokwana va vondzoka Yosefa, va n'wi xavisa, a yisiwa le Egipta; kambe Xikwembu xi va na yena;

Marka 16:20

Loko va ri vona, va suka va famba, va ya twarisa Evhangeli hinkwako, Hosi yi ri karhi yi tirhisana na vona, yi tiyisa marito ya vona hi mahlori lawa a ma humelela enkarhini wolowo.]

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Eksoda 3:12

Kutani Xikwembu xi ku ka yena: “Ndzi ta va na wena; xikombiso xa leswaku ndzi ku rhumile xi ta va lexi: Loko u humesile vanhu va Israele etikweni ra Egipta, mi ta ndzi gandzela entshaveni leyi.”

1 SAMIELE 16:18

Un'wana wa majaha a ku ka Sawulo: “Ndzi vonile n'wana Yese wa le Betlehema, la kotaka ku chaya haripa swinene. I jaha ra ntiya-nhlana, nhenha eku lweni, munhu la vulavulaka a nga tilumalumi, wa xiyimo xo saseka; naswona, HOSI Xikwembu xi na yena munhu loyi.”

Vaavanyisi 2:18

Minkarhi hinkwayo loko HOSI Xikwembu xi nyika Vaisraele vaavanyisi, a xi yima ni vaavanyisi lava xi va tirhisa ku ponisa Vaisraele emavokweni ya valala va vona, hikuva a xi twela Vaisraele vusiwana eku konyeni ka vona, loko va xanisiwa ni ku tshikeleriwa hi valala va vona.

Ezra 5:2

Kutani Zerubabele n'wana Salatiele na Yexuwa n'wana Yosadaka, va sungula ku aka yindlu ya Xikwembu hi vuntshwa eYerusalema, va pfuniwa hi vaprofeta va Xikwembu.

Ezra 10:18

Exikarhi ka vaprista, lava tekeke vasati eka vamatiko hi lava: Maaseya, na Eliezere, na Yaribi, na Gedaliya, va nga va ka Yexuwa ni vamakwavo wa yena, vona vana va Yosadaka.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.