Hagayi 2:23 - BIBELE Mahungu Lamanene

²³ “Mina HOSI ya matimba hinkwawo, ndzi vula sweswo ndzi ri: Hi siku rero, ndzi ta ku teka wena Zerubabele nandza wa mina n'wana Salatiele. Ina mina HOSI ndzi ri, ndzi ta ku endla xingwavila xa mina xa ritiho, xo fungha ha xona, hikuva hi wena ndzi ku hlawuleke. Ndzi vula sweswo, mina HOSI ya matimba hinkwawo.”

Xitsonga (Bibele)

²³ Esikwini lero, ku vula Yehovha wa mavandla, ndzi ta ku teka, wena Zerubabele, n'wana Salatiele, nandza wa mina, ku vula Yehovha, kutani ndzi ta ku endla u kotisa xingwavila xa mfungho, hikuva ndzi ku hlawurile, ku vula Yehovha wa mavandla.’ ”

Hagayi 2:23 Referans Kwoze

Esaya 43:10

N'wina Vaisraele, mi timbhoni ta mina, ndzi mi hlawurile ku va malandza ya mina lama nga ta pfumela ni ku twisisa leswaku hi mina Loyi-a-nga-kona. Ehandle ka mina, a ku vanga na xikwembu xin'wana, naswona ku nge pfuki ku vile na xin'wana.

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Yeremiya 22:24

HOSI Xikwembu xi ri: “We Yoyakini n'wana Yoyakimi, hosi ya Yuda, ndza hlambanya leswaku hambileswi a ndzi ku tsakela ku fana ni xingwavila xo fungha ha xona evokweni ra mina ra xinene, sweswi ndzi ta ku susa,

Risimu ra Tinsimu 8:6

Ndzi veke embilwini ya wena, ndzi va mfungho kona, u tlhela u ndzi endla mfungho wa voko ra wena, hikuva rirhandzu ri ni matimba ku fana ni rifu, ku navela ku ni tihanyi tanihi hi sirha. Malangavi ya kona i ndzilo lowu vuvumelaka, lowu hisaka swinene.

1 Petro 2:4

Tanani eka yena, hikuva yena i ribye leri hanyaka, leri nyenyiweke hi vanhu, kasi emahlweni ka Xikwembu hi leri hlawuriweke, ra nkoka.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Matewu 12:18

“Vonani nandza wa mina loyi ndzi nga tihlawulela yena, murhandziwa wanga loyi mbilu ya mina yi n'wi tsakelaka. Ndzi ta veka moya wa mina ehenhla ka yena, kutani ú ta tivisa vamatiko leswaku ku avanyisa loko lulama ku kona;

Esaya 49:16

We Yerusalema, xifaniso xa wena ndzi xi tsarile eswandleni swa mina, minkarhi hinkwayo, ndzi le ku nyangeni ka rirhangu ra wena.

Pisalema 65:5

We Xikwembu muponisi wa hina, wa hi lwela, u hi hlamula hi tindlela leto hlamarisa; hambi va ri vanhu lava akeke ematikweni ya le kule entsungeni wa malwandle, va tshemba wena.