Hagayi 1:9 - BIBELE Mahungu Lamanene

⁹ A mi languterile ndzalo, kambe vonani, a mi tshovelanga nchumu. Naswona loko mi vuyile na swona ekaya, ndzi swi hangalasile. Mina HOSI ya matimba hinkwawo ndzi vutisa ndzi ri, hikwalaho ka yini ke? Mhaka hileswaku un'wana ni un'wana wa n'wina ú tikarhatela yindlu ya yena, kasi yindlu ya mina i rhumbi ntsena!

Xitsonga (Bibele)

⁹ A mi langutela leswo tala, kasi vonani, mi kumile leswitsongo; mi swi tisa ekaya, kutani ndzi pfurhete ehenhla ka swona. Hikwalaho ka yini, ku vula Yehovha wa mavandla? Hikwalaho ka yindlu ya mina, yi nga rhumbi, kasi n'wina, un'wana ni un'wana a tsutsumela endlwini ya yena.

Hagayi 1:9 Referans Kwoze

Hagayi 1:4

‘Xana lowu hi wona nkarhi wa n'wina wa ku tshama etindlwini ta n'wina ta malwangu ya nkoka xana, leswi yindlu leyi ya mina yi nga rhumbi ntsena ke?’

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.

Hagayi 1:6

Mi byarile ngopfu, kambe mi tshovele switsongo. Ku dya ma dya, kambe a mi xurhi. Ku nwa ma nwa, kambe a mi kolwi. Ku ambala ma ambala, kambe ni un'we wa n'wina a nga kufumeli. Naswona, mutirhi loko a hola, ú holela exinkwamaneni lexi boxekeke.

Esaya 40:7

Byanyi bya oma, ni swiluva swa vuna, loko HOSI yi hungisa moya ehenhla ka swona; hakunene vanhu a va tiyanga, va fana ni byanyi.

Nhlavutelo 2:4

Hambiswiritano, ku ni lexi u ndzi vilerisaka ha xona: Hileswaku u tshikile rirhandzu leri a wu ri na rona eku sunguleni.

Ntirho 10:2

Wena Xikwembu, ndzi ri, u nga ndzi veki nandzu, kambe ndzi kombe leswi ndzi ku dyoheleke swona.

2 TIHOSI 19:7

Yingisa: Ndzi ta nghenisa moya wun'wana eka yena: Ú ta twa mahungu-ndlela, kutani ú ta tlhelela etikweni ra yena; naswona ndzi ta vona leswaku a dlawa hi fumu, ekaya ka yena.’ ”

2 SAMIELE 22:16

Ehansi ka lwandle ka vonaka, siku HOSI yi karihelaka valala va yona; masungulo ya misava ma fununguriwa, siku vukari bya yona byi bulukaka.

2 SAMIELE 21:1

Enkarhini wa ku fuma ka Davhida, ku vile ni ndlala malembe mankarhu hi ku landzelelana. Davhida a ya vutisa xivangelo eka HOSI Xikwembu, kutani xi hlamula xi ku: “I nandzu wa Sawulo ni ndyangu wa yena, hikuva ú halatile ngati hi ku dlaya vaaki va le Gibiyoni.”

Swivuriso 27:20

Xivandla xa vafi ehansi ka misava a xi xurhi, mahlo ya munhu na wona a ma kolwi.

Eklesiasta 1:8

Swilo hinkwaswo swa phirha, ku phirha ka kona a ku hlamuseleki; tihlo ra vona, kambe a ri kolwi, ndleve ya twa, kambe a yi xurhi.

Ezekiele 21:31

Ndzi ta chululela vukari bya mina ehenhla ka n'wina; kutani ku hlundzuka ka mina ku ta pfurha kukota ndzilo. Ndzi ta mi nyiketa emavokweni ya vanhu va tihanyi, lava nga ni vutivi bya ku herisa vanhu.

Levhitika 19:25

Hi lembe ra vuntlhanu, mi nga sungula ku dya mihandzu ya mirhi ya n'wina, leswaku yi ta hamba yi tswala swinene: Hi mina HOSI, Xikwembu xa n'wina.

Duteronoma 28:38

“Emasin'wini ya n'wina, mi ta haxa mbewu yo tala, kambe a mi nga tshoveli swo tivikana, hikuva tinjiya ti ta va ti herisile swimila.

Swivuriso 11:24

Munhu loyi a hananaka, ú tala ku fuma, kasi munhu wo tsonana ngopfu, ú tala ku heleriwa hi swa yena.

Esaya 5:10

Etindzimeni ta khume ta vhinya, ku ta huma vhinyo yo tata khuwana rin'we ntsena; saka ra mbewu ri ta humesa ntshovelo wa xirhundzu xin'we ntsena!”

Yeremiya 12:13

Vaisraele va byarile mavele, kambe va tshovele mitwa, va tikarhatile, kambe a swi va pfunanga nchumu: Leswi va swi tshoveleke a swi nyawuli, hikuva HOSI Xikwembu xi swi hisile hinkwaswo hi vukari bya xona.