Hagayi 1:6 - BIBELE Mahungu Lamanene

⁶ Mi byarile ngopfu, kambe mi tshovele switsongo. Ku dya ma dya, kambe a mi xurhi. Ku nwa ma nwa, kambe a mi kolwi. Ku ambala ma ambala, kambe ni un'we wa n'wina a nga kufumeli. Naswona, mutirhi loko a hola, ú holela exinkwamaneni lexi boxekeke.

Xitsonga (Bibele)

⁶ ma dya, kambe a mi xurhi, ma nwa, kambe a mi kolwi; ma funengela, kambe a mi kufumeli; la tirhelaka hakelo, u yi tirhela ku yi nghenisa exikhwameni lexi boxekeke.

Hagayi 1:6 Referans Kwoze

Hagayi 1:9

A mi languterile ndzalo, kambe vonani, a mi tshovelanga nchumu. Naswona loko mi vuyile na swona ekaya, ndzi swi hangalasile. Mina HOSI ya matimba hinkwawo ndzi vutisa ndzi ri, hikwalaho ka yini ke? Mhaka hileswaku un'wana ni un'wana wa n'wina ú tikarhatela yindlu ya yena, kasi yindlu ya mina i rhumbi ntsena!

Hosiya 4:10

Va ta dya, kambe va nge xurhi, va ta endla vunghwavava, kambe va nge andzi, hikuva va ndzi tshikile mina HOSI, va tinyiketa evunghwavaveni.

Hagayi 2:16

a mi humeleriwa hi yini xana? Munhu a a ya kamba nhulu ya koroni yo ringana mimpimo ya 20, kutani a kuma mimpimo ya khume ntsena. Loko a ya eku keni ka vhinyo eyinkhweni ya mimpimo ya 50, a ko va ni mimpimo ya 20 ntsena.

Hosiya 8:7

Lava byalaka xihuhuri, va ta tshovela xidzedze. Mavele lama nga rhumbukiki, ma nge vi na ntshovelo; hambiloko ntshovelo a wo va kona, a wu ta dyiwa hi vanhu va matiko man'wana.

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.

Esaya 5:10

Etindzimeni ta khume ta vhinya, ku ta huma vhinyo yo tata khuwana rin'we ntsena; saka ra mbewu ri ta humesa ntshovelo wa xirhundzu xin'we ntsena!”

Zakariya 8:10

Eminkarhini ya khale, vanhu ni swifuwo swa vona a va tirha mahala va nga kumi hakelo; a va chava ku famba-famba hikwalaho ka valala, hikuva a ndzi endlile leswaku vanhu va vengana.

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”

Yeremiya 44:18

Kambe ku sukela loko hi tshikile ku humesela ‘Nkosikazi-ya-le-Matilweni’ emirhi ya risuna ni magandzelo ya swakunwa, a ha ha kumi nchumu, ho dlawa hi matlhari ni tindlala ntsena!”

Yeremiya 14:4

hikuva misava yi omile, mpfula a yi nanga; hikokwalaho varimi na vona va hela matimba, va tisiva ni swikandza.

Pisalema 107:34

ni tiko ro nona ri hundzuka makwandzasi, loko vaaki va kona va endla leswo biha.

Ntirho 20:28

Siku leri Xikwembu xi hlundzukaka ha rona, nhundzu ya yena hinkwayo yi ta khukhuriwa.

Ntirho 20:22

Hambiloko minkateko yi n'wi talerile, yi ta hela; ú ta wela hi makhombo lamakulu.

1 TIHOSI 17:12

Noni yi hlamula yi ku: “Ndzi tiyisa emahlweni ka HOSI Xikwembu xa wena lexi hanyaka: A ndzi na swo swekiwa ekaya. Ndzo va ni xandla xa mapa ntsena embiteni, ni mafurhanyana exikhudzeni. Sweswi ndzi le ku rhoteleni ka swihlahlana swi nga ri swingani, leswaku hi ya tiswekela swakudyanyana mina ni n'wana; kutani loko hi dyile, ku to sala ku va hi fa.”

2 SAMIELE 21:1

Enkarhini wa ku fuma ka Davhida, ku vile ni ndlala malembe mankarhu hi ku landzelelana. Davhida a ya vutisa xivangelo eka HOSI Xikwembu, kutani xi hlamula xi ku: “I nandzu wa Sawulo ni ndyangu wa yena, hikuva ú halatile ngati hi ku dlaya vaaki va le Gibiyoni.”

Levhitika 26:26

Swakudya swa n'wina ndzi ta swi hunguta swinene; vavasati va khume va ta sweka mbita yin'we, va mi phamela swona hi mpimo, kambe mi ta dya mi nga xurhi.

Levhitika 26:20

Mi ta tirha, kambe mi to tirhela mahala, hikuva masimu ya n'wina a ma nga humesi ntshovelo wo nyawula, ni mirhi ya n'wina ya mihandzu a yi nga tswali nchumu.

Nehemiya 5:2

Van'wana a va ku: “Hina ni vana va hina va xinuna ni va xisati, hi tele, kutani hi lava mavele hi ta dya hi kota ku hanya.”

Yeremiya 12:13

Vaisraele va byarile mavele, kambe va tshovele mitwa, va tikarhatile, kambe a swi va pfunanga nchumu: Leswi va swi tshoveleke a swi nyawuli, hikuva HOSI Xikwembu xi swi hisile hinkwaswo hi vukari bya xona.

Hagayi 1:5

Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Hagayi 1:7

“Hikokwalaho, mina HOSI ya matimba hinkwawo ndzi vurisa sweswo ndzi ri, tikambeni mi xiyisisa leswi humelelaka evuton'wini bya n'wina.

Hagayi 1:10

Hi swona leswi endlaka leswaku tilo ri pfaleka ri khoma mberha, ni misava yi nga humesi nchumu.

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Duteronoma 28:17

Swirhundzu swa n'wina ni swihiso swa n'wina swi ta rhukaniwa.

Swivuriso 11:24

Munhu loyi a hananaka, ú tala ku fuma, kasi munhu wo tsonana ngopfu, ú tala ku heleriwa hi swa yena.