Hagayi 1:4 - BIBELE Mahungu Lamanene

⁴ ‘Xana lowu hi wona nkarhi wa n'wina wa ku tshama etindlwini ta n'wina ta malwangu ya nkoka xana, leswi yindlu leyi ya mina yi nga rhumbi ntsena ke?’

Xitsonga (Bibele)

⁴ “Xana eka n'wina i nkarhi wo aka tindlu ta n'wina leti sasekisiweke hi mapulangi, kasi yindlu leyi, i rhumbi?

Hagayi 1:4 Referans Kwoze

2 SAMIELE 7:2

Kutani Davhida a byela muprofeta Natani, a ku: “Vona, sweswi mina ndzi tshama endlwini yo akiwa hi timhandze to saseka ta kedari, kasi Areka ya HOSI yona yo va entsongeni!”

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

Hagayi 1:9

A mi languterile ndzalo, kambe vonani, a mi tshovelanga nchumu. Naswona loko mi vuyile na swona ekaya, ndzi swi hangalasile. Mina HOSI ya matimba hinkwawo ndzi vutisa ndzi ri, hikwalaho ka yini ke? Mhaka hileswaku un'wana ni un'wana wa n'wina ú tikarhatela yindlu ya yena, kasi yindlu ya mina i rhumbi ntsena!

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Yeremiya 52:13

A hisa yindlu ya HOSI Xikwembu ni tindlu ta le ntsindza, ni tindlu tin'wana ta Yerusalema, ngopfu-ngopfu tindlu hinkwato ta vanhu lavo chaviseka.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Swirilo 2:7

N'wini wa hinkwaswo ú phirhekile hi alitari ya yena, xivandla xa yena lexo hlawuleka, sweswi ú xi tshikile. Tindlu ta le ntsindza, ú ti nyiketile emavokweni ya valala, va ba huwa endlwini ya HOSI Xikwembu, ku fana ni loko va ri enkhubyeni.

Yeremiya 33:12

“Mina HOSI ya matimba hinkwawo, ndzi vurisa sweswo ndzi ri: Exivandleni lexi hundzukeke mananga ku nga ha tshami munhu kumbe xifuwo, ni le mitini ya kona hinkwayo, ndzi ta nyika varisi madyelo ya swifuwo leswitsongo, va swi risela kona.

Yeremiya 33:10

HOSI Xikwembu xi ri: “Ndzi ni rito eka n'wina va ka Yuda, n'wina mi vulaka leswaku xivandla lexi xi hundzukile mananga, ni leswaku a xa ha ri na vanhu kumbe swifuwo, kwalaho ma vurisa, hikuva emitini ya n'wina ni le magondzweni ya Yerusalema a ka ha tshami munhu, a ka ha vonaki vanhu kumbe swifuwo.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Pisalema 102:14

Hina malandza ya wena, hi rhandza ni maribye ya muti wolowo, leswi wu hundzukeke rhumbi, hi twa ku vava lokukulu.

Pisalema 74:7

Xivandla xa wena lexo hlawuleka va xi hisile, va wisile ni ku fayetela yindlu leyi vito ra wena ri twarisiwaka eka yona.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Yeremiya 22:14

Ú ni khombo munhu loyi a vulaka a ku: “Ndzi ta tiakela yindlu leyo saseka ya swithezi, leyi nga ni makamari lamakulu!” Kutani a yi aka yi ri ni mafasitere, a pfala makhumbi hi le ndzeni hi mapulangi ya murhi wa kedari, a yi sasekisa hi pende leyo tshwuka.

Hagayi 1:3

Kasi rito leri ndzi lerisaka muprofeta Hagayi ku mi fikisela rona, rona ri ri:

Hagayi 1:5

Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Levhitika 19:25

Hi lembe ra vuntlhanu, mi nga sungula ku dya mihandzu ya mirhi ya n'wina, leswaku yi ta hamba yi tswala swinene: Hi mina HOSI, Xikwembu xa n'wina.

2 TIHOSI 5:26

Kambe Elixa a ku ka yena: “Xana a ndzi nga ri na wena hi moya, loko wanuna luya a xika hi le kalichini ra yena, a ta ku hlanganisa ke? Xana hi wona nkarhi eka wena wo amukela swiambalo, kumbe mali yo xava masimu ya mitlhwari ni ya vhinya ni tinyimpfu ni tihomu ni mahlonga ya xinuna ni ya xisati, xana?

Eklesiasta 3:3

Ku ni nkarhi wo dlaya munhu, ni nkarhi wo n'wi hanyisa; ku ni nkarhi wo hirimuxa yindlu, ni nkarhi wo yi pfuxa.