Hagayi 1:11 - BIBELE Mahungu Lamanene

¹¹ Hikokwalaho, ndzi lerisile leswaku ku va ni dyandza etikweni ni le magangeni; ku ta pfumaleka koroni, ni vhinyo leyintshwa, ni mafurha, ni hinkwaswo leswi milaka emisaveni; dyandza ri ta wela vanhu ni swifuwo, ni mihandzu hinkwayo ya nyuku wa vona.”

Xitsonga (Bibele)

¹¹ kambe ndzi vitane ku oma ehenhla ka tiko, ni le henhla ka tintshava, ni le henhla ka koro, ni le henhla ka vhinyo ni mafurha, ni le henhla ka hinkwaswo leswi vekiwaka hi tiko, ni le henhla ka vanhu, ni swiharhi ni le henhla ka ntirho hinkwawo wa mavoko.”

Hagayi 1:11 Referans Kwoze

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Duteronoma 28:22

HOSI Xikwembu xi ta mi rhumela vuvabyi bya xifuva, ni dari, ni ndzhumbelo, ni ku hisa ka miri; xi ta mi rhumela ni dyandza leri nga ta hisa swimilana, kumbe tshone leri ri nga ta swi borisa. Swilo leswi a swi nga mi tshiki, mi kondza mi hela.

2 TIHOSI 8:1

Nkarhi wun'wana, Elixa a tsundzuxa wansati loyi n'wana wa yena a a pfuxiwile eku feni, a ku ka yena: “Suka u famba swin'we ni va ndyangu wa wena, u ya tshama lomu swi kotekaka, hikuva HOSI Xikwembu xi lerisile leswaku ku ta va ni dyandza etikweni leri, naswona ri ta va etikweni ku ringana malembe ya 7.”

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Amosi 9:6

Xikwembu xi aka tindlu ta xona ta le henhla ematilweni, xi khubumeta misava hi tilo ra xona; xi vitana mati ya lwandle xi ma humesa, xi cheleta misava ha wona: Vito ra xona i HOSI.

Amosi 7:4

Kutani HOSI N'wini wa hinkwaswo a tlhela a ndzi komba leswi hi xivono: A a ri karhi a tilulamisela ku tshinya vanhu hi ndzilo, wu phyisa xidziva lexikulu ehansi ka misava, kutani wu sungula ni ku herisa tiko.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Swirilo 1:21

“Yingisa ku konya ka mina: Ndzi pfumala loyi a nga ndzi tiyisaka. Valala va mina hinkwavo va twile ta nhlomulo wa mina, kutani va tsaka hi leswi u ndzi endlaka swona; kambe we HOSI, hatlisa u tisa siku leri u ri vuleke, leswaku na vona va ta biwa kukota mina.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Yeremiya 14:2

“Tiko ra Yuda ri le ku rileni, miti ya rona ya hela; vanhu va kona va konya va etlele hansi, muti wa Yerusalema wu huwelela wu kombela ku pfuniwa.

Malakiya 3:9

Mi rhukaniwile hakunene, hikuva mi le ku ndzi xiseni hinkwenu ka n'wina.

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”