Genesa 9:9 - BIBELE Mahungu Lamanene

⁹ “Sweswi ndzi endla ntwanano na n'wina, ni vana va n'wina lava nga ta velekiwa,

Xitsonga (Bibele)

⁹ “Na mina, ndzi ta tiyisa ntwanano wa mina na n'wina ni vatukulu va n'wina endzhaku ka n'wina,

Genesa 9:9 Referans Kwoze

Genesa 6:18

Kambe ndzi ta endla ntwanano na wena; kutani u ta nghena engalaveni wena, ni nsati wa wena, ni vana va wena, ni vasati va vona.

Varhoma 1:3

yi vulavula hi N'wana wa xona, Hosi ya hina Yesu Kriste, loyi a nga huma erixakeni ra Davhida hi tlhelo ra ku va munhu wa nyama;

Genesa 9:17

Kutani Xikwembu xi ku ka Nowa: “Lexi hi xona xitsundzuxo xa ntwanano lowu ndzi wu endleke exikarhi ka mina ni swivumbiwa hinkwaswo leswi nga kona emisaveni.”

Genesa 9:11

Ntwanano lowu ndzi wu endlaka na n'wina hi lowu: Ni siku ni rin'we swivumbiwa swi nge he pfuki swi herisiwile hinkwaswo hi ndhambi ya mati; naswona, ku nga ka ku nga ha vi na ndhambi yin'wana ya mati leyi nga ta herisa misava.”

Yeremiya 33:20

“Mina HOSI ndzi ri, ndzi endlile ntwanano lowu fumaka vusiku ni nhlekanhi; swilo leswi swi ta hi minkarhi leyi vekiweke, kutani a ku na munhu loyi a nga tshovaka ntwanano wa kona.

Genesa 22:17

Hikokwalaho, ndzi ta ku katekisa, ndzi ku nyika vatukulu lavo tala ku fana ni tinyeleti etilweni ni sava eribuweni ra lwandle, va ta hlula ni valala va vona.

Genesa 9:8

Kutani Xikwembu xi byela Nowa ni vana va yena, xi ku:

Genesa 9:10

ni swivumbiwa hinkwaswo leswi mi hanyaka na swona emisaveni, ku nga tinyanyana, ni swifuwo, ni swiharhi hinkwaswo, swi nga swilo hinkwaswo leswi humeke engalaveni.