Genesa 9:23 - BIBELE Mahungu Lamanene

²³ Kutani Xeme na Yafeta va teka nkumba va wu kapeka emakatleni ya vona havambirhi, va tlhentlha hi xindzhakwa-ndzhakwani, va ya funengeta tata wa vona; a va langutile etlhelo, hikokwalaho a va n'wi vonelanga.

Xitsonga (Bibele)

²³ Kambe Xeme na Yafeta va teka nkumba, va kapeka emakatleni ya vona havambirhi, va famba hi xindzhakwandzahakwana, va ya funengeta tata wa vona; mombo wa vona wu n'wi fularhela, va nga vonanga vuhava bya tata wa vona.

Genesa 9:23 Referans Kwoze

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Eksoda 20:12

“Xixima tata wa wena ni mana wa wena, leswaku u ta hanya masiku layo tala etikweni leri mina HOSI Xikwembu xa wena ndzi ku nyikaka rona.

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

1 Petro 2:17

Xiximani vanhu hinkwavo. Rhandzani nhlengeletano ya vamakwenu. Chavani Xikwembu. Xiximani hosi leyikulu ya tiko.

1 Timotiya 5:19

U nga amukeli mhaka ya ku mangalela nkulukumba, ehandle ka vumbhoni bya vanhu vambirhi kumbe vanharhu.

1 Timotiya 5:17

Endla leswaku vakulukumba lava tirhaka swinene ntirho wa vurisi va kombisiwa xichavo lexikulu, ngopfu-ngopfu lava tikarhataka ku twarisa Rito ni ku dyondzisa,

1 Timotiya 5:1

U nga holoveli munhu nkulukumba, kambe n'wi khongotele tanihi tata wa wena; vavanuna lavantshwa u fanele ku va khoma tanihi vamakwenu va xinuna.

Varhoma 13:7

Humeselani hinkwavo tifanelo ta vona; loyi a fanelaka ku amukela ndzuvo, n'wi nyikeni; loyi a fanelaka ku luviwa, n'wi luveni; loyi a fanelaka ku chaviwa, n'wi chaveni; loyi a fanelaka ku xiximiwa, n'wi xiximeni.

Levhitika 19:32

“Mi fanele ku va ni xichavo eka lavakulu, mi va xixima, naswona mi chava Xikwembu xa n'wina: Hi mina HOSI.

Genesa 9:22

Kutani Hamu tata wa Kanana a vona tata wa yena a nga ambalanga nchumu, hiloko a suka a ya byela vamakwavo ehandle.

Genesa 9:24

Loko vhinyo leyi Nowa a a yi nwile yi hangalaka, a twa leswi n'wana wa yena lontsongo a n'wi endleke swona,