Genesa 7:9 - BIBELE Mahungu Lamanene

⁹ ku vile ni swimbirhi-mbirhi, xa xinuna ni xa xisati, leswi ngheneke na Nowa engalaveni hilaha Xikwembu xi n'wi leriseke hakona.

Xitsonga (Bibele)

⁹ ku nghene eka Nowa engalaveni swimbirhi ha swimbirhi, matsune ni nkati, hilaha Xikwembu xi leriseke Nowa hakona.

Genesa 7:9 Referans Kwoze

Esaya 65:25

Hlolwa ni xinyimpfana swi ta dya swin'we, nghala yi ta dya byanyi ku fana ni homu, swakudya swa nyoka ku ta va ritshuri. Hinkwako entshaveni ya mina leyo hlawuleka, a ku nga vi na ku vavisana kumbe ku dlayana. Ndzi vula sweswo, mina HOSI.”

Genesa 7:16

Swivumbiwa hinkwaswo swa xinuna ni swa xisati leswi ngheneke engalaveni, swi nghenile hilaha Xikwembu xi leriseke Nowa hakona. Kutani HOSI Xikwembu xi pfalela Nowa engalaveni.

Genesa 2:19

Hiloko HOSI Xikwembu xi teka misava xi vumba swiharhi hinkwaswo ni tinyanyana hinkwato, kutani xi swi yisa eka munhu ku vona leswaku munhu ú ta swi thya mavito wahi. Kutani vito leri munhu a ri thyeke xivumbiwa xin'wana ni xin'wana, ri vile rona vito ra xona.

Vakolosa 3:11

Laha a ku na Mugriki ni Muyuda, a ku na la yimbeke ni la nga yimbangiki, a ku na munhu wa matiko ni munhu wa hava, a ku na hlonga ni muntshunxeki, kambe i Kriste la nga hinkwaswo eka hinkwavo.

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

Yeremiya 8:7

Magumba ma tiva tinguva ta lembe, ni tinyanyana to fana ni matuva ni timbewulani ni minchukwana swi tiva minkarhi ya swona ya ku rhurha. Kambe vanhu va mina vona a va na mhaka ni leswi ndzi nga va lerisa swona mina HOSI.

Genesa 7:8

Exikarhi ka swiharhi leswi tengeke, ni ka leswi nga tengangiki, ni ka tinyanyana, ni ka swikokovi hinkwaswo,

Genesa 7:10

Kutani endzhaku ka masiku ya 7, ku sungula ndhambi ya mati emisaveni.

Genesa 7:15

Nowa ú nghenile engalaveni a ri ni swivumbiwa swimbirhi-mbirhi, exikarhi ka swivumbiwa hinkwaswo leswi hanyaka.

Genesa 6:22

Hiloko Nowa a endla swilo leswi hinkwaswo, hilaha Xikwembu xi n'wi leriseke hakona.