Genesa 7:11 - BIBELE Mahungu Lamanene

¹¹ Elembeni leri Nowa a veke ni malembe ya 600 ha rona, hi siku ra vu-17 ra n'hweti ya vumbirhi, swidziva hinkwaswo swa mati swi khapa, ni tinyangwa ta mati ya le tilweni ti pfuleka.

Xitsonga (Bibele)

¹¹ Hi lembe ra 600 ra ku hanya ka Nowa, hi n'hweti ya vumbirhi, hi siku ra khume na ntlhanu na mambirhi, hi siku lero, swihlovo hinkwaswo swa mpfhuka lowukulu swi pfelela, ni tinyangwa ta mati ya tilo ti pfuleka.

Genesa 7:11 Referans Kwoze

Genesa 8:2

Mati ya le swidziveni ma yima ku khapa, ni tinyangwa ta mati ya le tilweni ti pfaleka, mpfula yi xa.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Yeremiya 51:16

Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

2 TIHOSI 7:19

Kutani ndhunankulu a yi hlamurile munhu wa Xikwembu yi ku: “Naloko HOSI Xikwembu hi xiviri xa xona xi nga pfula matilo xi nisa mpfula, xana mhaka yo tano yi nga tshuka yi endlekile xana ke?” Kutani Elixa a a hlamurile a ku: “U ta vona swakudya swa kona hi mahlo, kambe a wu nga swi dyi!”

Ezekiele 26:19

“Mina HOSI N'wini wa hinkwaswo ndzi ri: Wena Tiri, siku leri ndzi nga ta ku endla rhumbi ndzi ku fananisa ni miti leyi ku nga ha tshamiki munhu eka yona, ndzi ri siku leri ndzi nga ta ku funengeta hi mati ya swidziva u mbombomela emagandlatini,

Pisalema 33:7

Xi hlengeletile mati ya lwandle ma endla ndhundhuma, swidziva xi swi pfalerile evuhlayiselweni bya swona.

2 TIHOSI 7:2

Kutani ndhunankulu, xandla xa hosi ya Israele, yi ku ka Elixa: “Naloko HOSI Xikwembu hi xiviri xa xona xi nga pfula matilo xi nisa mpfula, xana mhaka yo tano yi nga tshuka yi endlekile xana?” Elixa a hlamula a ku: “U ta vona swakudya swa kona hi mahlo, kambe a wu nga swi dyi.”

Genesa 1:7

Kutani Xikwembu xi endla mpfhuka exikarhi ka mati lama nga hansi ni lama nga henhla, xi ma hambanisa ha wona. Kutani swi va tano.

Matewu 24:38

Hikuva emasikwini walawo, loko ndhambi ya mati yi nga si ta, vanhu a va ri eku dyeni, va nwa, va hlomisa ni ku hlomiselana, ku ko ku fika siku leri Nowa a ngheneke engalaveni ha rona;

Esaya 24:19

Misava hinkwayo yi ta handzuka, yi avana hi le xikarhi, yi ninginika hi matimba.

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

Genesa 6:17

Sweswi ndzi lava ku rhumela ndhambi ya mati, yi ta herisa swivumbiwa hinkwaswo leswi hanyaka emisaveni. Swilo hinkwaswo leswi nga laha misaveni swi ta fa.

Ntirho 28:4

Va kovotla muhocho emananga, laha vahundzi va ndlela va nga fikiki, va tiboha kona hi tintambhu va dewula kunene, kule ni miti ya vanhu.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

2 Petro 3:6

Hi rito rero, misava leyi a yi ri kona enkarhini wolowo, yi dyiwile hi mati ya ndhambi, yi lova.

Genesa 7:6

Loko ku va ni ndhambi ya mati emisaveni, Nowa a a ri ni malembe ya 600.

Ntirho 12:15

Loko xi yimisa mpfula, milambu ya phya; loko xi nisa ndhambi, misava ya onhaka.

Ntirho 38:16

“Xana u tshama u fika laha ku nga ni xihlovo xa lwandle, kumbe u ya valanga emakorhweni ya rona ke?

Swivuriso 3:20

vutivi bya xona byi handzurile misava, mati ya swidziva ma huma, byi endlile leswaku mapapa ma tshonisa mberha.

Esaya 24:18

Loyi a ringetaka ku tsutsuma loko a twa mpfumawulo wa leswo chavisa, ú ta ya hojomela ekheleni; loko a huma ekheleni, ú ta ya wela entlhan'wini. Matilo ma ta pfuleka, ni misava yi ta tsekatseka.

Genesa 8:14

Hi siku ra 27 ra n'hweti ya vumbirhi, misava a yi omile.

Ntirho 38:37

Vutlhari byo hlaya ntsengo wa mapapa byi na mani ke? Xana i mani la nga voyamisaka makhuwana ya le tilweni ma chulula mpfula,