Genesa 6:9 - BIBELE Mahungu Lamanene

⁹ Leti i timhaka ta va ka Nowa. Nowa a a ri munhu wo lulama, loyi a a tsakisa Xikwembu ku tlula vanhu hinkwavo lava a va ri kona emisaveni; naswona a a ri ni xinakulobye ni Xikwembu.

Xitsonga (Bibele)

⁹ Hi vona lavo vana va Nowa: Nowa a a ri munhu la lulameke ni la sasekeke enkarhini wa yena. Nowa a tshama a famba ni Xikwembu.

Genesa 6:9 Referans Kwoze

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Vaheveru 11:7

Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

2 Petro 2:5

a xi tsetselelanga misava ya khale, kambe xi hlayisile Nowa mutwarisi wa leswo lulama, swin'we ni vanhu van'wana va 7, enkarhini lowu xi nga nisa ndhambi emisaveni ya vanhu lava a va nga ri na mhaka na xona;

Genesa 7:1

Kutani HOSI Xikwembu xi ku ka Nowa: “Teka va ndyangu wa wena hinkwavo, u nghena na vona engalaveni, hikuva ndzi swi vonile leswaku exikarhi ka vanhu hinkwavo lava nga laha misaveni, hi wena ntsena u lulameke emahlweni ka mina.

Genesa 5:24

Enoko ú hanyile a ri ni xinakulobye na Xikwembu, kutani a nyamalala, hikuva Xikwembu a xi n'wi tekile.

Vagalatiya 3:11

Loko swi ri tano, swi le rivaleni leswaku a ku na munhu na un'we la nga endliwaka la lulameke emahlweni ka Xikwembu hi mhaka ya leswi a hlayisaka Nawu; hikuva ku vuriwile va ku: “Loyi a endliwaka la lulameke hi ku pfumela, ú ta hanya.”

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Genesa 5:22

Endzhaku ka loko Enoko a velekile Metuxela, ú hanyile malembe ya 300 a ri ni xinakulobye na Xikwembu. Ú vile ni van'wana vana va xinuna ni va xisati.

Ezekiele 14:14

mina HOSI N'wini wa hinkwaswo ndzi ri: Hambiloko vavanuna lava vanharhu, Nowa na Daniele na Yobo, a vo va kona etikweni rero, ku lulama ka vona a ku ta ponisa vona vinyi ntsena.

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Genesa 2:4

Leswi hi swona leswi humeleleke eku tumbuluxiweni ka tilo ni misava. Siku HOSI Xikwembu xi endleke tilo ni misava,

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Eklesiasta 7:20

La misaveni, u nge kumi munhu wo lulama la endlaka leswinene ntsena, la nga dyohiki ni siku ni rin'we.

Timhaka 10:22

Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Ezekiele 14:20

mina HOSI N'wini wa hinkwaswo ndza tiyisa ndzi ri: Hambiloko Nowa na Daniele na Yobo a vo va kona, a va nga ta kota ku ponisa vana va vona; ku lulama ka vanhu lava a ku ta ponisa vona vinyi ntsena.”

Ntirho 1:8

HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Varhoma 1:17

Eka yona ku hlavuteriwa hilaha vanhu va endliwaka lava lulameke hi Xikwembu hakona; leswi swi kumiwa ntsena hi ku pfumela, nkarhi hinkwawo, hilaha Matsalwa ma vulaka hakona ma ku: “Loyi a endliwaka la lulameke hi ku pfumela, ú ta hanya.”

Luka 23:50

A ku ri ni wanuna la vuriwaka Yosefa; a a ri munhu lonene wo lulama, a langutela Mfumo wa Xikwembu. A a ri xirho xa huvo ya Vayuda, kambe loko va kanela ni ku tsema mhaka ya Yesu, a a nga twanananga na vona.

Luka 2:25

Le Yerusalema a ku ri ni munhu la vuriwaka Simiyoni; munhu loyi a a lulamile, a chava Xikwembu; a a langutele ku chaveleriwa ka Israele. Moya lowo Kwetsima a wu ri ka yena.

Habakuku 2:4

Yingisa! Mukanganyisi a nge pfuki a tsakile emoyeni wa yena. Kasi munhu wo lulama ú ta hanya hi ku pfumela ka yena.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Pisalema 37:37

Xiyaxiya lava nga riki na xisandzu, u languta lava lulameke, u ta vona leswaku lava tisaka ku rhula, va ni vatukulu.

2 TIKRONIKA 15:17

Hambileswi a nga kotanga ku herisa magandzelo hinkwawo ya le switsungeni leswo hlawuleka etikweni ra Israele, Asa ú tikombile a ri munhu wo tshembeka evutomini bya yena hinkwabyo.

Genesa 48:15

Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Ntirho 12:4

Khale a ndzi khongela Xikwembu, kutani xi ndzi hlamula; kambe sweswi ndzi hundzuke xihlekiso eka vanakulorhi, mina munhu wo lulama wo pfumala nandzu, ndza hlekuriwa.

1 TIHOSI 3:6

Solomoni a hlamula a ku: “U kombisile rirhandzu lerikulu eka tata wa mina Davhida nandza wa wena, hikuva tatana ú hanyile emahlweni ka wena hi ndlela yo tshembeka ni yo lulama, ni mbilu yo tenga. Kutani rirhandzu lerikulu leri, a ri welanga ehansi leswi u n'wi nyikeke n'wana, a nga mina loyi namuntlha ndzi tekaka vuhosi bya tatana.

2 TIKRONIKA 25:2

Amasiya ú endlile leswo lulama emahlweni ka HOSI Xikwembu, hambiloko a a nga swi endli hi mbilu hinkwayo.

Genesa 10:1

Lava i vatukulu va Nowa, va nga vana va Xeme na Hamu na Yafeta, lava velekiweke endzhaku ka ndhambi ya mati.

Genesa 5:1

Lowu i nongonoko wa va ka Adamu. Loko Xikwembu xi tumbuluxa munhu, xi n'wi endlile a fana na xona.

Genesa 6:10

Nowa a a ri ni vana vanharhu, Xeme na Hamu na Yafeta.

Duteronoma 18:13

Mi nga tshuki mi va ni leswi solekaka emahlweni ka HOSI Xikwembu xa n'wina:

2 SAMIELE 22:24

HOSI a yi kumanga nandzu eka mina, hikuva ku dyoha, a ndzi ku chava ngopfu.

Pisalema 37:39

Vanhu vo lulama va ponisiwa hi HOSI Xikwembu, hi xona khokholo ra vona enkarhini wa khombo.