Genesa 6:8 - BIBELE Mahungu Lamanene

⁸ Kambe Nowa yena a a tsakeriwa hi HOSI Xikwembu.

Xitsonga (Bibele)

⁸ Kambe Nowa a kuma tintswalo emahlweni ka Yehovha.

Genesa 6:8 Referans Kwoze

Genesa 19:19

u kombile leswaku wa ndzi tsakela mina nandza wa wena; tintswalo ta wena eka mina i tikulu ngopfu hikuva u ndzi ponisile, kambe ndzi nge swi koti ku tsutsumela etintshaveni hikuva ndzi nga weriwa hi khombo ndza ha ri endleleni, kutani ndzi fa.

Vaheveru 4:16

Hikokwalaho, a hi tshineleni kusuhi ni xiluvelo xa tintswalo, hi ri ni ku tshemba leswaku hi ta tsetseleriwa ni ku kuma tintswalo leti nga ta hi pfuna eminkarhini ya ku pfumala.

Luka 1:30

Kambe ntsumi yi ku ka yena: “U nga chavi we Mariya, hikuva u kumile tintswalo emahlweni ka Xikwembu.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Tito 2:11

Hakunene tintswalo ta Xikwembu ta ku ponisa vanhu hinkwavo, ti humeseriwe erivaleni;

1 Vakorinto 15:10

Kambe ndzi leswi ndzi nga swona hi tintswalo ta Xikwembu, kutani tintswalo ta kona, leti Xikwembu xi ndzi kombeke tona, a ti welanga ehansi. Ntiyiso wa kona hileswaku ndzi tirhile ngopfu ku va tlula hinkwavo; hambiswiritano, a ku tirhanga mina, kambe ku tirhile tintswalo ta Xikwembu leti ndzi nga kombiwa tona.

Swivuriso 3:4

Hi ndlela leyi, Xikwembu xi ta ku tsakela, ni vanhu va ta ku xixima.

Pisalema 145:20

HOSI Xikwembu xi hlayisa hinkwavo lava va xi rhandzaka, kambe xi ta herisa lavo homboloka hinkwavo.

Varhoma 4:4

Eka loyi a tirhaka, leswi a kumaka swona i hakelo ya ntirho wa yena; a swi hlayiwi leswaku i nyiko.

Timhaka 7:46

Loko a ri Davhida, a tsakeriwa hi Xikwembu, kutani a kombela mpfumelelo wo lavela Xikwembu xa Yakobo endhawu yo tshama eka yona.

Swivuriso 12:2

Munhu lonene, HOSI Xikwembu xa n'wi tsakela, kambe munhu wa makungu layo biha, xa n'wi avanyisa.

2 Petro 2:5

a xi tsetselelanga misava ya khale, kambe xi hlayisile Nowa mutwarisi wa leswo lulama, swin'we ni vanhu van'wana va 7, enkarhini lowu xi nga nisa ndhambi emisaveni ya vanhu lava a va nga ri na mhaka na xona;

Swivuriso 8:35

Loyi a ndzi kumeke, ú kumile vutomi, kutani HOSI Xikwembu xi ta n'wi tsakela;

Yeremiya 31:2

“Mina HOSI, ndzi vurisa sweswo ndzi ri: Vanhu lava poneke ku dlawa hi matlhari, ndzi va tsetselerile loko va ha ri emananga, kutani va kumile ku rhula.

2 Timotiya 1:18

Ingi Hosi yi nga endla leswaku a kuma ku tsetseleriwa emahlweni ka yona hi siku lerikulu. Na wena u tiva swinene mintirho leyi a yi endleke le Efesa.

Vagalatiya 1:15

Kambe Xikwembu lexi xi ndzi hlawuleke ndzi nga si velekiwa, xi ndzi vitanile hi tintswalo ta xona;

Varhoma 11:6

Kwalaho ke, loko ku ri hi tintswalo, a swi humi emintirhweni; hikuva loko ku ri hi mintirho, tintswalo a ta ha ri tintswalo.

Tito 3:7

leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Matewu 24:37

Ku vuya ka N'wana-wa-Munhu ku ta fana ni leswi humeleleke emasikwini ya Nowa.

Luka 17:26

“Hilaha swilo swi humeleleke hakona emasikwini ya Nowa, swa ha ta humelerisa xisweswo emasikwini ya N'wana-wa-Munhu.

1 Petro 3:20

leyi eku sunguleni yi nga yingisangiki Xikwembu loko xi lehisa mbilu xi yima xi nga endli nchumu, enkarhini lowu Nowa a nga lunghisa ngalava ha wona. Engalaveni leyi ku nghenile va nga ri vangani, hileswaku vanhu va 8, lava ponisiweke ha yona ematini.

Ezekiele 14:14

mina HOSI N'wini wa hinkwaswo ndzi ri: Hambiloko vavanuna lava vanharhu, Nowa na Daniele na Yobo, a vo va kona etikweni rero, ku lulama ka vona a ku ta ponisa vona vinyi ntsena.