Genesa 6:6 - BIBELE Mahungu Lamanene

⁶ xi vaviseka embilwini, xi tilaya leswi xi endleke munhu emisaveni,

Xitsonga (Bibele)

⁶ kutani Yehovha a vilela hi leswi a nga vumba vanhu emisaveni, a vaviseka ngopfu embilwini ya yena.

Genesa 6:6 Referans Kwoze

Esaya 63:10

Kambe Vaisraele va tiarisile, va khunguvanyisa Moya wa xona lowo Kwetsima, kutani xona xi hundzuka nala wa vona, xi lwa na vona hi xiviri.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Vaheveru 3:10

Hikwalaho ka swona, ndzi hlundzukele vanhu va rixaka rero, ndzi ku: ‘Timbilu ta vona ti huma endleleni masiku hinkwawo, a va tivanga tindlela ta mina.’

1 SAMIELE 15:29

Naswona, Xikwembu lexi Vaisraele va tidzunisaka ha xona, a xi hembi, a xi tlheli emakungwini ya xona. A xi fani na vanhu, xona a xi tlheli!”

2 SAMIELE 24:16

Loko ntsumi yi kongoma muti wa Yerusalema ku ya wu herisa, HOSI Xikwembu xi yimisa ntungu lowu wo chavisa, kutani xi byela ntsumi leyi a yi ri karhi yi herisa vanhu xi ku: “Swi ringene, yima!” Enkarhini lowu, ntsumi ya HOSI Xikwembu a yi yimile kusuhi ni xivuya xa Arawuna wa Muyebusi.

Tinhlayo 23:19

Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

Yonasi 3:10

Loko Xikwembu xi vona leswi va swi endleke ni ku hundzuka ka vona etindleleni ta vona leto biha, xi tlhela emakungwini ya xona: Hambileswi a xi va tivisile leswaku xi ta va twisa ku vava, a xa ha swi endlanga.

Yuwele 2:13

Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

Eksoda 32:14

Hiloko HOSI Xikwembu xi tlhela emakungwini lawa a xi ma vurile, ya ku endla leswo biha eka vanhu va xona.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Yeremiya 26:19

“Xana Hezekiya hosi ya hina va ka Yuda, ni va ka hina hinkwavo, va dlayile muprofeta loyi xana? E-e! Va chavile ku dyohela HOSI Xikwembu; va komberile hi matimba leswaku xi va tsetselela, kutani xona xi tshikile makungu ya xona lawa xi ma vuleke, xi nga ha va bi; hikokwalaho hi nga tshuki hi tivangela khombo hi ku dlaya munhu loyi.”

1 TIKRONIKA 21:15

HOSI Xikwembu xi tlhela xi rhumela ntsumi ku ya herisa muti wa Yerusalema. Kambe loko ntsumi yi ri karhi yi endlisa sweswo, HOSI Xikwembu xi swi vona, kutani xi yimisa ntungu lowu wo chavisa, xi byela ntsumi xi ku: “Yima, swi ringene!” Enkarhini lowu, ntsumi ya HOSI Xikwembu a yi yimile kusuhi ni xivuya xa muti wa Orinani lowa Muyebusi.

Esaya 48:18

Loko a mi lo yingisa milawu ya mina, ingi mi kumile ku rhula loku fanaka ni mati lama khulukaka, ku lulama ka n'wina a ku ta ndlandlamuka kukota magandlati elwandle.

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

1 SAMIELE 15:35

Samiele ú kale a fa a nga ha vonananga na Sawulo, kambe xiviti xa yena xa ku rila Sawulo a xi helanga. HOSI Xikwembu xona a xi vaviseka hileswi xi vekeke Sawulo ku va hosi ya Israele.

Duteronoma 32:36

“HOSI Xikwembu xi ta yima ni vanhu va xona loko xi vona leswaku a va ha ri na matimba, xi ta twela malandza ya xona vusiwana, loko xi vona leswaku wonge a ku nga ha sali munhu, hambi hlonga kumbe la ntshunxekeke.

Duteronoma 32:29

Loko a va tlharihile, a va ta twisisa timhaka leti, a va ta swi vona leswaku va ya eku loveni.

Duteronoma 5:29

Loko va nga va ni miehleketo leyi minkarhi hinkwayo, va ndzi chava, va hlayisa ni milawu ya mina hinkwayo, a va ta kateka, vona ni vana va vona.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Vaheveru 3:17

Kutani a va ri vamani lava xi nga va karihela hi malembe ya 40 xana? Xana a hi lava va dyoheke, lava mintsumbu ya vona yi weke yi sala emananga xana?

Malakiya 3:6

“Mina HOSI Xikwembu a ndzi hundzuki, kutani na n'wina ma ha ri va ka Yakobo hakunene.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Pisalema 119:158

Loko ndzi vona lava nga pfumeriki, ndzi twa ku vava, hikuva a va na mhaka ni switshembiso swa wena.

Pisalema 110:4

HOSI Xikwembu xi ku tshembisile, xi nga ka xi nga tlheleli ndzhaku; xi te: “U muprista hilaha ku nga heriki, hileswi u nga wa rixaka rin'we na Melkisedeke.”

Pisalema 95:10

Vanhu lava va ndzi phirhile malembe ya 40, ndzi kondza ndzi ku: ‘I vanhu lava lahlekeke, vo oma tinhloko, a va na mhaka ni leswi ndzi swi lavaka!’

Pisalema 81:13

A ndzi ta tsaka ngopfu loko Vaisraele vanhu va mina va ndzi yingisa, va famba etindleleni ta mina.

Pisalema 78:40

Loko va ri emananga, Vaisraele va tiarisile ko tala eka Xikwembu, va xi vavisa mbilu ematikweni lawa ya ku oma.

Varhoma 11:29

hikuva tinyiko ta Xikwembu ni ku vitana ka xona a swi hundzuki.

Genesa 6:7

kutani xi ku: “Ndzi ta herisa vanhu lava ndzi va tumbuluxeke laha misaveni, ni swiharhi, ni swikokovi, ni tinyanyana. Ndza tilaya, leswi ndzi vumbeke swilo leswi.”

Yeremiya 18:7

Nkarhi wun'wana ndzi nga vulavula hi ku tsuvula kumbe ku faya kumbe ku herisa vanhu vo karhi kumbe mfumo wo karhi.