Genesa 6:5 - BIBELE Mahungu Lamanene

⁵ Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

Xitsonga (Bibele)

⁵ Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Genesa 6:5 Referans Kwoze

Matewu 15:19

Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini;

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Yeremiya 17:9

“Miehleketo ya munhu ya kanganyisa, yi tshama yi borile! Yi nga tiva hi mani,

Eklesiasta 9:3

Hinkwavo va wela hi swo fana, kutani exikarhi ka hinkwaswo leswi humelelaka laha misaveni, mhaka leyi yi bihile; naswona timbilu ta vanhu ti tele leswo biha, hinkwavo va hanya onge va ni rihuhe. Eku heteleleni, va ya exivandleni xa vafi.

Eklesiasta 7:29

Mhaka leyi ndzi yi kumeke hi leyi: Xikwembu xi endlile vanhu va ri lava lulameke, kambe vona va tilavele tindlela to tala leti hambukeke.

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Pisalema 53:2

Xikwembu xi languta vanhu xi ri etilweni, ku vona loko ku nga va ni lava va twisisaka, lava va xi lavaka,

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Ezekiele 8:9

Xikwembu xi ndzi lerisa xi ku: “Nghena exivandleni lexi, u vona swilo swa manyala leswi va swi endlaka.”

Genesa 13:13

wu nga muti wa vanhu vo homboloka, lava a va dyohela ngopfu HOSI Xikwembu.

Ezekiele 8:12

Xikwembu xi ku ka mina: “Xana wa swi vona, we Ezekiele, leswi vakulukumba va Israele va swi endlaka exihundleni xana? Loko va ri etindlwini ta vona ta swifaniso, va vula mina HOSI a ndzi va voni, ni leswaku ndzi tshikile tiko ra vona.”

Swivuriso 6:18

ni munhu wa miehleketo yo homboloka, ni la tsutsumaka-tsutsumaka a endla leswo biha,

Duteronoma 29:19

a nga munhu loyi, loko a twa marito ya ntwanano lowu wu tiyisiweke hi ku hlambanya, a tidzunisaka a ku: ‘Hambileswi ndzi tiarisaka, vutomi bya mina byi hlayisekile.’ Mhaka yo tano yi ta endla leswaku mi herisiwa hinkwenu, lavanene ni lavo biha.

Ntirho 15:16

Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

Matewu 24:37

Ku vuya ka N'wana-wa-Munhu ku ta fana ni leswi humeleleke emasikwini ya Nowa.

Luka 17:26

“Hilaha swilo swi humeleleke hakona emasikwini ya Nowa, swa ha ta humelerisa xisweswo emasikwini ya N'wana-wa-Munhu.

1 Petro 3:20

leyi eku sunguleni yi nga yingisangiki Xikwembu loko xi lehisa mbilu xi yima xi nga endli nchumu, enkarhini lowu Nowa a nga lunghisa ngalava ha wona. Engalaveni leyi ku nghenile va nga ri vangani, hileswaku vanhu va 8, lava ponisiweke ha yona ematini.

Ntirho 22:15

“We Yobo, xana wa ha lava ku famba etindleleni ta khale, leti vadyohi va fambeke ha tona xana?