Genesa 6:2 - BIBELE Mahungu Lamanene

² Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona.

Xitsonga (Bibele)

² vana va Xikwembu va vona leswaku vanhwanyana va vanhu va sasekile, kutani va titekela eka vona vasati exikarhi ka hinkwavo lava va nga va hlawula.

Genesa 6:2 Referans Kwoze

1 Yohane 2:16

Hikuva hinkwaswo leswi nge misaveni, ku navela ka miri, ni ku navela ka mahlo, ni ku tikurisa hi swa vutomi lebyi, a hi leswi Tatana a swi tsakelaka, kambe swi tsakela hi va misava.

2 Petro 2:14

Va ni mahlo lama taleke hi vuoswi, lama nga ni torha ra swidyoho. Va rhiya mimoya leyi nga tiyangiki. Va ni timbilu leti toloveleke makolo. I vanhu lava rhukaniweke hi Xikwembu.

Ezra 9:12

Kutani mi nga tshuki mi pfumela leswaku vana va n'wina va tekiwa hi vana va vona, hambi va ri vana va vona mi nga pfumeli leswaku va tekiwa hi vana va n'wina. Vanhu lava, mi nga tshuki mi va pfuna kumbe ku va endlela leswi swi nga ta va fumisa, leswaku mi ta va ni matimba, mi dya leswo saseka swa tiko leri, mi siyela ni vana va n'wina ndzhaka leyi nga heriki.’

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

Duteronoma 14:1

“N'wina mi vanhu va HOSI Xikwembu xa n'wina, kutani loko ku tshuka ku lovile munhu, mi nga tlhaveli tinhlanga kumbe ku byewula nhloko,

Eksoda 34:16

naswona mi nga tshuki mi lavela majaha ya n'wina evasati exikarhi ka vanhu lava, hikuva vavasati lava va ta ya emahlweni va endla vunghwavava eku gandzeleni ka swikwembu swa vona, va kokela ni vana va n'wina eka swona.

Genesa 27:46

Kutani Rhaveka a ku ka Isaka: “Mina ndzi dyisiwa mbitsi hi vavasati lava va Vahiti. Loko na yena Yakobo o teka nsati wa Muhiti kwala tikweni leri, wo fana ni vavasati lava, xana ndza ha ta va ndzi hanyela yini xana?”

Genesa 24:3

kutani ndzi ta ku hlambanyisa emahlweni ka HOSI Xikwembu xa matilo ni misava, leswaku u nge tshuki u laverile n'wananga ensati exikarhi ka vanhwanyana va Vakanana lava ndzi tshamaka etikweni ra vona;

Genesa 4:26

Seta na yena a kuma n'wana wa mufana, kutani a n'wi thya vito ra Enosi. Enkarhini wa kona, vanhu va sungula ku khongela HOSI Xikwembu hi vito ra xona.

Genesa 3:6

Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

2 Vakorinto 6:18

Ndzi ta va tata wa n'wina, na n'wina mi va vana va mina va xinuna ni va xisati.” Hosi ya matimba hinkwawo yi vula sweswo.

1 Vakorinto 7:39

Wansati ú bohiwile eka nuna wa yena loko nuna a ha hanya; kambe loko nuna wa yena a fa, ú ntshunxekile, a nga ha tekiwa hi loyi a lavaka ku tekiwa hi yena, ntsena a swi fambe hilaha Hosi yi swi rhandzaka hakona.

Malakiya 2:15

Xana Xikwembu a xi mi hlanganisanga, mi va miri wun'we ni moya wun'we xana? Kutani leswi mi endliweke miri wun'we, xana mi lava yini, loko ku nga ri ku nyikiwa vana hi Xikwembu xana? Hikokwalaho wena tivonele, u tshembeka eka nsati loyi u n'wi tekeke wa ha ri jaha.

Malakiya 2:11

Va le Yuda a va tshembekanga, va endlile manyala layo chavisa etikweni ra Israele ni le Yerusalema. Va le Yuda va onhile yindlu leyo hlawuleka ya HOSI Xikwembu, leyi xi yi rhandzaka, hikuva va yile va ya teka vavasati lava khongelaka swikwembu swimbe.

Esaya 63:16

Tata wa hina, hi wena HOSI, hikuva Abrahama a nga ha hi tivi, hambi a ri Yakobo, ú hi rivarile. Hi wena tata wa hina, ku sukela khale, hi ku thyile vito ra ‘Mukutsuri’!

Ntirho 31:1

“Ndzi endlile ntwanano ni mahlo ya mina, ndzi ku, a ndzi nga ha languti vanhwanyana.

Genesa 6:1

Kuteloko vanhu va sungurile ku andza laha misaveni, va veleka ni vana va vanhwanyana.

Genesa 6:3

Kutani HOSI Xikwembu xi ku: “Moya wa mina a wu nga ha tshami hilaha ku nga heriki eka munhu, hikuva munhu ú tsanile, kutani ú ta hanya ntsena malembe ya 120.”

Genesa 12:11

Loko Abrama a lava ku nghena etikweni ra Egipta, a byela nsati wa yena Sarayi a ku: “Ndza swi tiva leswaku u mbhuri ya wansati;

Genesa 26:35

Kutani vavasati lava va dyisa Isaka na Rhaveka embitsi.

Ntirho 1:6

Siku rin'wana swivumbiwa swa le tilweni swi hlangana ehubyeni ya HOSI Xikwembu; na yena Sathana a a ri exikarhi ka swona.