Genesa 6:16 - BIBELE Mahungu Lamanene

¹⁶ Endla lwangu ra yona, u siya 50 cm exikarhi ka lwangu na khumbi, u vekela ni rivanti hala tlhelo ka yona; ngalava ya kona u yi endla yi va ni tindlu ta le hansi, ni ta le xikarhi, ni ta le henhla.

Xitsonga (Bibele)

¹⁶ U ta endla fasitere engalaveni, ehenhla yi va ya xisungunhu xin'we; u endla rivanti etlhelweni ra yona, u endla yindlu yin'we ehansi, ni yin'wana ya vumbirhi ehenhla, ni yin'wana ya vunharhu.

Genesa 6:16 Referans Kwoze

Ezekiele 41:16

Makhumbi ya kona a ma pfariwile hi mapulangi, ku pfariwile ni marimba ya mafasitere, ku vonaka ni tinxaxa tinharhu ta timhandze endzeni ka Tempele; khumbi ra Tempele a ri pfariwile matlhelo hinkwawo hi mapulangi ya murhi wa sefiri ku sukela ehansi ku ya fika emafasitereni; na wona mafasitere ya kona a ma sirheleriwile hi swipulangana.

Genesa 8:6

Loko ku hundzile masiku ya 40, Nowa a pfula fasitere leri a ri endleke engalaveni,

Genesa 7:16

Swivumbiwa hinkwaswo swa xinuna ni swa xisati leswi ngheneke engalaveni, swi nghenile hilaha Xikwembu xi leriseke Nowa hakona. Kutani HOSI Xikwembu xi pfalela Nowa engalaveni.

Luka 13:25

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

Ezekiele 42:3

Hi tlhelo rin'we, muako wa kona a wu langutana ni rivala ra 10 m ra le ndzhaku ka Tempele, hi tlhelo lerin'wana a wu langutana ni maribye ya swiphepherhele, exivaveni xa le handle ka Tempele; a wu ri ni tinxaxa ta timhandze leti endlaka swithezi swinharhu.

2 TIHOSI 9:30

Loko Yehu a ri kusuhi ni ku nghena eYizriele, Yezabele a swi twa, kutani a tikhavisa mahlo, a hlovisa ni nhloko, a hlometela hansi hi le fasitereni.

2 SAMIELE 6:16

Loko Areka ya HOSI yi nghena emutini wa Davhida, Mikala N'wa-Sawulo a hlometela hi le fasitereni, a vona hosi Davhida ehansi a ri karhi a dzunisa HOSI Xikwembu, hi ku tlula-tlula ni ku cina, kutani a n'wi sola hi mbilu.

Genesa 6:15

Ngalava yi fanele ku va ni mimpimo leyi: 150 m ku leha, 25 m ku anama, ni 15 m ku ya ehenhla.

Genesa 6:17

Sweswi ndzi lava ku rhumela ndhambi ya mati, yi ta herisa swivumbiwa hinkwaswo leswi hanyaka emisaveni. Swilo hinkwaswo leswi nga laha misaveni swi ta fa.