Genesa 49:8 - BIBELE Mahungu Lamanene

⁸ “Wena Yuda, vamakwenu va ta ku dzunisa, u ta khoma valala va wena hi tinhamu, vana va tata wa wena va ta ku nkhinsamela.

Xitsonga (Bibele)

⁸ “Wena, Yuda, vamakwenu va ta ku dzunisa; Voko raku ri ta va ehenhla ka tinhamu ta valala va wena; Vana va tata waku va ta khinsama emahlweni ka wena.

Genesa 49:8 Referans Kwoze

Vaheveru 7:14

Hikuva swi le rivaleni leswaku Hosi ya hina yi humile erixakeni ra va ka Yuda, kutani Muxe a nga vulanga nchumu ehenhla ka rona hi tlhelo ra vaprista.

Genesa 27:29

Vanhu a va ku tirhele, vamatiko a va ku nkhinsamele; Vamakwenu a va ve hansi ka wena, vana va mana wa wena a va ku nkhinsamele. Lava ku rhuketelaka, a va rhuketeriwe, lava ku katekisaka, a va katekisiwe.”

1 TIKRONIKA 5:2

Kambe hambileswi tifanelo ta vuhosi ti nyikiweke Yosefa, Yuda hi yena la nga va ni matimba ku tlula vamakwavo, naswona hi vona va ka Yuda lava nga veleka hosi ya Vaisraele hinkwavo.

Yoxuwa 10:24

Loko va yisile tihosi leti eka Yoxuwa, yena a vitana vavanuna va Israele hinkwavo, kutani a byela varhangeri va masocha lawa a a fambile na wona a ku: “Tshinelani ekusuhi mi kandziya tihosi leti etinhan'wini.” Hiloko va tshinela kusuhi va kandziya tihosi etinhan'wini.

Duteronoma 33:7

Hi va ka Yuda, Muxe ú vule leswi: “We HOSI Xikwembu, hlamula xikombelo xa va ka Yuda, u va vuyisela exikarhi ka va ka vona, va lwele hi voko ra wena, u va lamulela eka lava lwaka na vona.”

Genesa 29:35

A tlhela a tika nakambe, a veleka n'wana wa mufana, kutani a ku: “Sweswi ndzi ta dzunisa HOSI Xikwembu”, hikokwalaho a n'wi thya vito ra Yuda (hileswaku: “Ku dzunisa”). Kutani Leya a yima ku veleka.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Nhlavutelo 5:5

Hiloko un'wana wa vakulukumba a ku ka mina: “U nga rili. Vona, nghala ya rixaka ra Yuda, rimitsu ra Davhida, yi hlurile, hikokwalaho ya swi kota ku lemula swilemo swa 7 yi pfula buku.”

Vaheveru 10:13

Ku sukela kwalaho ú yimele leswaku Xikwembu xi veka valala va yena ehansi ka minkondzo ya yena.

Ezekiele 21:29

Hambi mi nga kombiwa swivono swa hava kumbe mi vona swikombiso swa mavunwa, tivani leswaku banga ri le tinhan'wini ta n'wina, n'wina vanhu vo homboloka, hikuva nkarhi wa ku biwa ka n'wina wu fikile.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Pisalema 76:1

Etikweni ra Yuda, Xikwembu xa tiveka, vito ra xona ra xiximiwa exiharhi ka Vaisraele.

2 TIKRONIKA 30:11

Hambiswiritano, van'wana va ka Asere ni va ka Manase ni va ka Zebuloni va amukela xirhambo hi ku titsongahata, va pfumela ku ya eYerusalema.

2 TIKRONIKA 17:2

A veka masocha ya yena emitini hinkwayo ya Yuda leyi biyeriweke hi rirhangu, a veka ni mintlawa ya varindzi etikweni ra Yuda ni le mitini ya Efrayimi leyi tata wa yena Asa a a yi tekile yi va ya yena.

2 TIKRONIKA 15:9

Vaisraele lavo tala va tinyimba ta Efrayimi na Manase na Simiyoni va vona leswaku HOSI Xikwembu xi yima na Asa, kutani va rhurha etikweni ra vona, va ya luvela eka yena. Asa a va vitana hinkwavo, swin'we ni vanhu va yena va Yuda na Benjamini,

2 TIKRONIKA 14:8

Asa a a ri ni mavuthu ya va ka Yuda, masocha ya kona ma ringana 300 000, ma hlomile switlhangu ni matlhari; naswona a a ri ni mavuthu ya masocha ya ka Benjamini; masocha ya kona a ma ringana 280 000, ma tamerile switlhangu ma khome ni vurha. Masocha lawa hinkwawo a ma ri tinhenha to tiya.

2 SAMIELE 24:9

Kutani Yowabu a vikela hosi Davhida entsengo wa vanhu lava hlayiweke: Etikweni ra Israele, vavanuna lava a va ri ni matimba yo lwa nyimpi a va ri 800 000, kasi va le Yuda a va ri 500 000.

2 SAMIELE 22:41

U endla leswaku valala va mina va ndzi komba xikosi, kutani lava va ndzi vengaka, ndza va herisa!

2 SAMIELE 5:3

Kutani vakulukumba hinkwavo va Israele va hlengeletana entsindza eHebroni, kutani hosi Davhida a endla ntwanano na vona kwale Hebroni, emahlweni ka HOSI Xikwembu. Kavaloko va n'wi veka ku va hosi ya Israele hi ku n'wi chela mafurha enhlokweni.

Vaavanyisi 20:18

Vaisraele va tlhandluka va ya vutisa timhaka eka Xikwembu kwale Betele va ku: “Xana i va ka mani exikarhi ka hina lava nga ta hi rhangela loko hi huma nyimpi hi ya lwa ni va ka Benjamini xana?” HOSI Xikwembu xi hlamula xi ku: “Ku ta rhanga va ka Yuda.”

Tinhlayo 26:22

Hi yona mindyangu ya va ka Yuda; ntsengo wa vona a wu ri 76 500.

Tinhlayo 10:14

Va mixaxa ya vandla leri vuriwaka “ra ka Yuda”, hi vona va nga rhanga ku suka, hi ku ya hi mavuthu ya vona. Murhangeri wa mavuthu ya va ka Yuda a a ri Nahaxoni n'wana Aminadaba;

Tinhlayo 1:27

ntsengo wa vona wu kumeka wu ri 74 600, va ri va nyimba ya ka Yuda;

Genesa 46:12

Yuda ni vana va yena, Xela, na Perese, na Zera (vana va yena lavan'wana, Ere na Onani, va lovile etikweni ra Kanana), ni vana va Perese, Hesironi na Hamula;

Genesa 42:6

Enkarhini wolowo, Yosefa a a ri murhangeri wa tiko ra Egipta; hi yena loyi a a xavisela vanhu hinkwavo koroni. Kutani vamakwavo wa yena va ta, va fika va nkhinsama emahlweni ka yena, va languta hansi.

Tinhlayo 26:20

Mindyangu ya vana va Yuda lavan'wana hi leyi: Wa ka Xela, ni wa ka Perese, ni wa ka Zera.

1 TIKRONIKA 28:4

Hambiswiritano, HOSI Xikwembu xa Israele xi hlawurile mina exikarhi ka vamakwerhu ku va hosi ya Israele vutomi bya mina hinkwabyo. A xi hlawurile Yuda kokwa wa hina ku va murhangeri wa vamakwavo, kutani endyangwini wa tatana, Xikwembu xi ndzi tsakerile, xi ndzi hlawula ku va hosi ya Vaisraele hinkwavo.

Yoxuwa 15:20

Leyi i ndzhaka ya va ka Yuda hi ku ya hi mindyangu ya vona.