Genesa 49:11 - BIBELE Mahungu Lamanene

¹¹ Ú ta khunga mbhongolo ya yena emurhini wa vhinya, a boha ximbhongolwana xa yena ensinyeni lowo saseka wa vhinya. Ú ta hlantswa swiambalo swa yena hi vhinyo, ni minkumba ya yena, ú ta yi hlantswa hi dzova.

Xitsonga (Bibele)

¹¹ A kuleka mbhongolo yakwe eximudyaneni xa vhinya, Ni ximbhongolwana, emurhini wa vhinya lowu hlawuriweke; A hlantswa nguvu ya yena evhinyeni. Ni nkumba wa yena engatini ya vhinya.

Genesa 49:11 Referans Kwoze

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Yuwele 3:18

“Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Nhlavutelo 19:18

mi ta dya nyama ya tihosi, ni nyama ya tindhuna ta tinyimpi, ni nyama ya tinhenha, ni nyama ya tihanci ni ya vagadi va tona, ni nyama ya vanhu hinkwavo, vantshunxeki ni mahlonga, lavakulu ni lavatsongo.”

Mikiya 4:4

Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

1 TIHOSI 4:25

Enkarhini hinkwawo wa ku fuma ka Solomoni, vanhu va Yuda na Israele a va hanya hi ku rhula va hlayisekile, ku sukela eDani ku fikela eBerexeba, un'wana ni un'wana a titshamele endzhutini wa murhi wa yena wa vhinya, kumbe endzhutini wa nkuwa wa yena.

1 TIHOSI 4:20

Vanhu va Yuda na Israele a va tele tanihi sava ra le ribuweni ra lwandle; kutani va dya, va nwa, va tsakile.

2 TIHOSI 18:32

Swi ta va tano ku kondza loko ndzi ta ndzi ta mi teka, ndzi mi yisa etikweni leri fanaka ni tiko ra n'wina. Tiko ra kona ri ni koroni, ni vhinyo, ni swakudya; i tiko ra masimu ya vhinya, ni ra mitlhwari ya mafurha, ni ra vulombe. Hi mukhuva wolowo, mi ta hanya, a mi nga fi. Mi nga n'wi yingisi Hezekiya, hikuva wa mi kanganyisa loko a vula leswaku HOSI Xikwembu xi ta mi ponisa.

Nhlavutelo 14:20

Kutani mihandzu yi pyanyeriwa exikamelweni ehandle ka muti, kutani ngati yi huma exikamelweni, yi khuluka mpfhuka wa 300 km, yi endla nambu wo enta kwalomu ka 1,50 m.

Genesa 49:12

Mahlo ya yena ma ta hatima ku tlula vhinyo, meno ya yena ma ta basa ku tlula ntswamba.

Duteronoma 8:7

HOSI Xikwembu xa n'wina xi lava ku mi nghenisa etikweni lero saseka ngopfu. Tiko ra kona ri ni swihlovo ni swinambyana leswi khulukaka, ni mati lama pfelelaka ma huma eminkoveni ni le magangeni;

Duteronoma 8:8

etikweni rero mi ta kuma koroni ni mavele ya maxalana, ni mirhi ya vhinya ni minkuwa ni mirhi ya magrenada ni mitlhwari; hambi byi ri vulombe, byi kona.

Duteronoma 32:14

Xi va nyikile phehlwa ni ntswamba wa swifuwo leswikulu ni leswitsongo, ni mafurha ya swinyimpfana ni ya makhuna, ni tihomu ta Baxani, ni tinyimpfu ta kona, ni koroni leyo saseka swinene, va nwa ni vhinyo yo tsokombela ya masimu ya vona.

Amosi 9:13

HOSI yi vula sweswo, yi ri: “Vonani, masiku ma ta, lawa murimi ni mutshoveri va nga ta landzelelana emasin'wini, ni mubyari wa vhinya a nga ta landzelelana ni mukhi wa yona; tintshava ti ta mpfempfa vhinyo leyi nga si vilaka, ni swintshabyana hinkwaswo swi ta khuluka hi yona.

Nhlavutelo 7:7

va ka Simiyoni, 12 000; va ka Levhi, 12 000; va ka Isakara, 12 000;