Genesa 48:3 - BIBELE Mahungu Lamanene

³ Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Xitsonga (Bibele)

³ Yakobo a ku eka Yosefa: “Xikwembu xa matimba hinkwawo xi tshama xi tikomba eka mina eLuzi, etikweni ra Kanana, xi ndzi katekisa,

Genesa 48:3 Referans Kwoze

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Nhlavutelo 21:11

wu ri ni ku kwetsima ka Xikwembu. Hi ku vangama ka wona, a wu tlunya mahlo ku fana ni ribye ra nkoka lowukulu, wu phatima kukota ribye ra “yaspere” kumbe kukota “kristala”.

Hosiya 12:4

Ú pfinyanile ni ntsumi a yi hlula, a rila a kombela ku katekisiwa. Ú hlanganile ni Xikwembu eBetele, kutani Xikwembu xi vulavula na yena kona.

Vaavanyisi 1:23

Va rhuma tinhlori ti ya valanga muti wa Betele (khale muti lowu a wu tiviwa hi vito ra Luzi).

Genesa 48:2

Kuteloko Yakobo a twa leswaku n'wana wa yena Yosefa ú tile ku ta n'wi pfuxela, a lwa hi matimba a kondza a pfuka, a tshama kunene emubedweni.

Genesa 49:25

Xikwembu xa tata wa wena a xi ku pfune, Xikwembu-xa-matimba-hinkwawo a xi ku katekise, xi ku nisele minkateko yo huma etilweni, xi ku pfelerisela minkateko yo huma exidziveni lexikulu lexi naveke hansi ka misava xi ku nyika vatukulu lavotala ni swifuwo leswo tala.

Genesa 17:6

Ndzi ta endla leswaku u va ni vatukulu va ntsandza-vahlayi; eka wena ndzi ta humesa vanhu va matiko layo tala; hambi ti ri tihosi ti ta huma eka wena.