Genesa 48:21 - BIBELE Mahungu Lamanene

²¹ Kutani Yakobo a ku ka Yosefa: “Vona, ndzi le kusuhi ni ku fa, kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Xitsonga (Bibele)

²¹ Kutani Israele a ku eka Yosefa: “Waswivo, ndza fa; kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Genesa 48:21 Referans Kwoze

Genesa 50:24

Kutani Yosefa a ku ka vamakwavo: “Ndzi le kusuhi ni ku fa, kambe Xikwembu xi ta ta xi ta mi kutsula, xi mi humesa etikweni leri, xi mi yisa etikweni leri xi ri tshembiseke Abrahama na Isaka na Yakobo.”

Genesa 46:4

Ndzi ta famba na wena etikweni ra Egipta, naswona ndzi ta tlhela ndzi ku humesa u vuya haleno. Yosefa ú ta va kusuhi na wena siku u nga ta timeka.”

Genesa 28:15

Vona, ndzi na wena; ndzi ta ku hlayisa hinkwako lomu u nga ta ya kona, ndzi tlhela ndzi ku vuyisa etikweni leri, hikuva ndzi nga ka ndzi nga ku tshiki ku kondza ndzi endla hinkwaswo leswi ndzi ku byeleke swona.”

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

Vaheveru 7:3

Tata wa yena a nga tiviwi, hambi a ri mana wa yena, kumbe mavito ya vakokwa wa yena. Masiku ya yena a ma na masungulo, hambi byi ri vutomi bya yena, a byi na makumu. Ú fana ni N'wana wa Xikwembu, kutani ú ya emahlweni a ri muprista hilaha ku nga heriki.

2 Petro 1:14

Hikuva ndza swi tiva leswaku ku rhurha ka mina emirini lowu wa mina ku le kusuhi, hilaha Hosi ya hina Yesu Kriste yi ndzi kombeke hakona.

Vaheveru 7:8

Hi tlhelo rin'we, vukhume byi amukeriwa hi vanhu lava faka; kasi hi tlhelo lerin'wana, byi amukeriwa hi munhu loyi Matsalwa ma vulaka leswaku wa hanya.

2 Timotiya 4:6

Loko a ri mina, ndzi le kusuhi ni ku nyiketa vutomi bya mina egandzelweni; nkarhi wa ku rhurha ka mina wu fikile.

Timhaka 13:36

“Loko a ri Davhida, ú yisile makungu ya Xikwembu emahlweni, enkarhini wa ku hanya ka yena, kutani a tietlelela, a lahliwa ni vatata wa yena, a va a bola.

Luka 2:29

“Sweswi Hosi, u nga ntshunxa nandza wa wena a tifambela hi ku rhula, hilaha u nga vula hakona,

Pisalema 18:46

HOSI Xikwembu xa hanya, a ku dzunisiwe xona xi nga ribye ra mina ra vutumbelo, a ku twarisiwe Xikwembu lexi xi ndzi ponisaka.

Yoxuwa 23:14

“Kutani sweswi, ndzi le kusuhi ni ku rhurha laha misaveni. Hinkwenu ma swi tiva etimbilwini ta n'wina ni le moyeni wa n'wina, leswaku ku hava ni xilo ni xin'we xa swilo hinkwaswo leswinene leswi HOSI Xikwembu xi tshembiseke swona, lexi xi nga humelelangiki. Hinkwaswo leswi xi tshembiseke swona swi hetisekile. A ku na xin'we lexi xi nga humelelangiki.

Yoxuwa 3:7

HOSI Xikwembu xi ku ka Yoxuwa: “Ku sukela namuntlha ndzi ta ku tlakusa emahlweni ka Vaisraele, va ta tiva leswaku ndzi ta va na wena, ku fana ni leswi ndzi veke na Muxe.

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 1:5

Evuton'wini bya wena hinkwabyo a ku nga vi na munhu loyi a nga ta ku hlula; ndzi ta va na wena ku fana ni leswi ndzi veke na Muxe; a ndzi nga ku fularheli, naswona a ndzi nga ku tshiki u ri wexe.

Duteronoma 31:8

HOSI Xikwembu hi xoxe, hi xona xi nga ta ku rhangela emahlweni, xi nga ka xi nga ku fularheli kumbe ku ku tshika; hikokwalaho, u nga tshuki u chava kumbe ku hela matimba.”

Genesa 37:1

Yakobo a a tshama etikweni ra Kanana laha tata wa yena a a luverile kona.

Genesa 15:14

Kambe mina ndzi ta ba tiko leri va nga ta va mahlonga eka rona, kutani va ta huma kona va fumile swinene.

Genesa 12:5

Kutani Abrama a teka Sarayi nsati wa yena, na Lota n'wana wa makwavo, ni swilo swa vona hinkwaswo, a teka ni malandza lawa va ma kumeke eHarani, va khoma ndlela va kongoma etikweni ra Kanana.

Duteronoma 30:3

hi kona HOSI Xikwembu xa n'wina xi nga ta tilhela xi mi katekisa, xi mi twela vusiwana, xi mi vuyisa ematikweni lawa a xi mi hangalasele eka wona.

Genesa 15:16

Kambe vatukulu-xinguwe va wena va ta tlhela va vuya etikweni leri, hikuva sweswi vubihi bya Vaamori a byi si fika emakumu ka byona.”

Genesa 47:29

Loko nkarhi wa yena wa ku hundza emisaveni wu ri kusuhi, Yakobo a vitana n'wana wa yena Yosefa, a ku ka yena: “Loko u ndzi tsakela hakunene, ndzi kombela leswaku u vekela voko ra wena exikarhi ka milenge ya mina, u tiboha leswaku u ta va munhu wo tshembeka, wa ntiyiso, eka mina: U nga tshuki u ndzi lahla laha tikweni ra Egipta,

Genesa 50:6

Kutani hosi Faro a hlamula a ku: “Famba u ya lahla tata wa wena, hilaha a ku hlambanyiseke hakona.”