Genesa 47:6 - BIBELE Mahungu Lamanene

⁶ Hiswona, tiko ra Egipta i ra wena, komba tata wa wena ni vamakwenu xivandla lexi sasekeke swinene, va byele va ya tshama emugangeni wa Goxeni. Kutani loko u tiva van'wana exikarhi ka vona lava nga ni vutivi bya swifuwo, va veke ku va vahlayisi va mintlhambi ya mina.”

Xitsonga (Bibele)

⁶ tiko ra Egipta ri le mahlweni ka wena; akisa tata wa wena ni vamakwenu etikweni leri tlurisaka hi ku saseka: u va akisa etikweni ra Goxeni; kutani loko u tiva vavanuna lavo tlhariha exikarhi ka vona, u va veka varisa va mitlhambi ya mina.”

Genesa 47:6 Referans Kwoze

Eksoda 18:21

Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa.

Genesa 47:11

Kutani Yosefa a nyika tata wa yena ni vamakwavo ndhawu leyi va nga ta tshama eka yona etikweni ra Egipta, yi va ya vona; a va komba xivandla xo saseka ku tlula swin'wana, wu nga muganga wa Ramsese, hilaha hosi Faro a leriseke hakona.

Swivuriso 22:29

Munhu loyi a tivaka ntirho wa yena, ú ta tirhela tihosi, a nge he tirheli vanhu va swiyimo swa le hansi.

2 TIKRONIKA 26:10

Uziya a aka swihondzo ni le handle ka Yerusalema, a kovotla emaribyeni makhele layo tala yo hlayisela mati, hikuva a a ri ni swifuwo leswo tala etimbaleni ni le minkoveni. Naswona a a ri ni vanhu lava hlayisaka masimu ya yena ya vhinya, va n'wi byalela ni mavele emagangeni ni le mitangeni, hikuva a a tsakela ngopfu swa vurimi.

Eksoda 18:25

Kutani Muxe a hlawula vavanuna lava tiyeke exikarhi ka Vaisraele hinkwavo, a va veka ku va varhangeri, va fambisa mintlawa ya vanhu va 1 000, kumbe 100, kumbe 50, kumbe 10.

Genesa 47:4

Va ya emahlweni va ku ka Faro: “We n'wini wa hina, ndlala ya chavisa le tikweni ra Kanana, swifuwo swa hina a swa ha kumi byanyi, kutani hina malandza ya wena, hi tile ku ta luvelanyana kwala tikweni ra wena. Hi pfumelele ku tshama emugangeni wa Goxeni.”

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

1 SAMIELE 21:7

Hi siku leri, un'wana wa malandza ya Sawulo a a ri kona, a khomeletiwile hi ku humesela HOSI Xikwembu emagandzelo. Vito ra yena a a ri Duwege wa le Edomu, mulanguteri wa varisi va Sawulo.

Eksoda 9:21

Kambe lava a va nga ri na mhaka ni rito ra HOSI Xikwembu, va tshika mahlonga ya vona ni swifuwo swa vona enhoveni.

Eksoda 9:10

Kwalaho va nusa nkuma exitikweni, va ya yima emahlweni ka Faro, kutani Muxe a wu haxa ehenhla. Kavaloko nkuma wu vanga matshumba, ma endla swilondza eka vanhu ni swifuwo.

Genesa 47:16

Hiloko Yosefa a va hlamula a ku: “Loko mali ya n'wina yi herile, tisani swifuwo swa n'wina mi ta ndzi hakela hi swona, mina ndzi ta mi nyika swakudya.”

Genesa 34:10

N'wina tshamani kwala xikarhi ka hina, a mi siveriwi ku va laha tikweni leri; tshamani, mi xava ni ku xavisa swilo, mi tlhela mi tikumela leswi nga ta va ndzhaka ya n'wina.”

Genesa 20:15

Kutani Abimeleke a ku: “Loko ri ri tiko ra mina, hi reri u ri vonaka; tiakele laha u ku rhandzaka.”

Genesa 13:9

Loko ri ri tiko, wa ri vona hinkwaro hi leri, kutani xana swi nge antswi loko ho hambana xana? Loko u hlawula ku ya eximatsini, mina ndzi ta ya exineneni, kasi loko u hlawula ku ya exineneni, mina ndzi ta ya eximatsini.”

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Genesa 45:10

U ta fika u tshama emugangeni wa Goxeni, kutani u ta va kusuhi na mina, wena ni vana va wena ni vatukulu va wena, ni swifuwo swa wena leswikulu ni leswitsongo, ni swilo leswi u nga na swona.

Genesa 46:34

mi ta hlamula mi ku: ‘We n'wini wa hina, hina malandza ya wena hi vafuwi va swifuwo. Hi wona ntirho lowu hi wu tirhaka, himpfhuka hi velekiwa, na vona vatatana a va tirha wona.’ Kutani hi ndlela leyi, mi ta pfumeleriwa ku tshama emugangeni wa Goxeni, hikuva Vaegipta va nyenya vanhu hinkwavo lava nga varisi.”

Genesa 47:5

Kutani Faro a ku ka Yosefa: “Tata wa wena ni vamakwenu va tile eka wena.

1 TIHOSI 11:28

Yerobuwamu a a ri munhu wa migingiriko wo tikarhata swinene. Loko Solomoni a vona ku gingirika ka jaha leri, a ri veka ku va mulanguteri wa vatirhela-xibalo hinkwavo va nyimba ya Yosefa.

Yeremiya 40:4

Namuntlha ndzi ntshunxa tinketani leti va ku boheke mavoko ha tona. Loko u tsakela ku ya na mina le Babilona, a hi fambe ndzi ta ku hlayisa swinene. Kambe loko u nga swi tsakeli, na swona swi lulamile. Titwe u ntshunxekile, u ya laha u rhandzaka ku ya kona.”