Genesa 47:4 - BIBELE Mahungu Lamanene

⁴ Va ya emahlweni va ku ka Faro: “We n'wini wa hina, ndlala ya chavisa le tikweni ra Kanana, swifuwo swa hina a swa ha kumi byanyi, kutani hina malandza ya wena, hi tile ku ta luvelanyana kwala tikweni ra wena. Hi pfumelele ku tshama emugangeni wa Goxeni.”

Xitsonga (Bibele)

⁴ Va engeta va ku eka Faro: “Hi tile ku ta luvela etikweni leri, hikuva a ka ha ri na vudyelo bya mitlhambi ya malandza ya wena, hikuva ndlala yi tikerile tiko ra Kanana; ha ku khongela sweswi, leswaku malandza ya wena ma pfumeleriwa ku aka etikweni ra Goxeni.”

Genesa 47:4 Referans Kwoze

Genesa 46:34

mi ta hlamula mi ku: ‘We n'wini wa hina, hina malandza ya wena hi vafuwi va swifuwo. Hi wona ntirho lowu hi wu tirhaka, himpfhuka hi velekiwa, na vona vatatana a va tirha wona.’ Kutani hi ndlela leyi, mi ta pfumeleriwa ku tshama emugangeni wa Goxeni, hikuva Vaegipta va nyenya vanhu hinkwavo lava nga varisi.”

Duteronoma 26:5

“Kutani mi ta yima emahlweni ka HOSI Xikwembu xa n'wina, mi vula marito lawa mi ku: ‘Tatana a a ri Muaramu loyi a a tsendzeleka ni matiko. Ú yile etikweni ra Egipta a ri ni vanhu vatsongo, a ya luvela kona. Kambe loko a ri kwale, ú hundzukile tiko lerikulu ra matimba.

Genesa 15:13

kutani HOSI Xikwembu xi ku ka yena: “U fanele ku tshama u ri karhi u tiva mhaka leyi: Vatukulu va wena va ta va valuveri etikweni ra van'wana va hundzuka mahlonga kona, va xaniseka malembe yo ringana 400.

Genesa 43:1

Enkarhini lowu, ndlala a yi ya yi nyanya etikweni.

Timhaka 7:11

Kambe ku wa ndlala leyikulu etikweni hinkwaro ra Egipta ni ra Kanana, nhlomulo wa kona wu va lowukulukumba, kutani vatata wa hina va hluleka ku kuma swakudya.

Pisalema 105:23

Kutani Yakobo a nga yena Israele, a fika etikweni ra Egipta, a hundzuka muluveri exikarhi ka va ka Hamu.

Timhaka 7:6

Kutani Xikwembu xi n'wi tivisa leswi, xi ku: ‘Vatukulu va wena va ta ya luvela etikweni ra van'wana, laha va nga ta endliwa mahlonga ni ku xanisiwa kona, ku ringana malembe ya 400.

Esaya 52:4

HOSI N'wini wa hinkwaswo ú engeta a ku: “Vanhu va mina va rhange va ya etikweni ra Egipta, va ya luvela kona; endzhaku ka sweswo, Vaasiriya va va yisile evukhumbini, va nga va humeselanga nchumu.

Genesa 12:10

Loko ku hundzile nkarhi, ku wa ndlala etikweni ra Kanana. Kutani Abrama a rhelela etikweni ra Egipta ku ya luvela kona, hikuva ndlala a yi ri yikulu etikweni.

Genesa 47:5

Kutani Faro a ku ka Yosefa: “Tata wa wena ni vamakwenu va tile eka wena.

Genesa 45:10

U ta fika u tshama emugangeni wa Goxeni, kutani u ta va kusuhi na mina, wena ni vana va wena ni vatukulu va wena, ni swifuwo swa wena leswikulu ni leswitsongo, ni swilo leswi u nga na swona.