Genesa 45:7 - BIBELE Mahungu Lamanene

⁷ Xikwembu xi ndzi rhangisile emahlweni ka n'wina, leswaku ndzi ta ponisa lavo tala va n'wina, ni leswaku mi ta ka mi nga fi mi nyamalala laha misaveni.

Xitsonga (Bibele)

⁷ Xikwembu xi ndzi rhumile emahlweni ka n'wina ku mi ponisa emisaveni, ni ku mi hanyisa hi ku pona lokukulu.

Genesa 45:7 Referans Kwoze

Timhaka 7:35

“Yena Muxe loyi a va n'wi landzurile hi ku vutisa va ku: ‘I mani la ku vekeke hosi ni muavanyisi wa hina ke?’ hi yena la nga rhumiwa hi Xikwembu leswaku a va hosi ni mukutsuri wa vona, hi ku pfuniwa hi ntsumi leyi a yi tikombe ka yena exihlahleni.

Pisalema 44:4

Hi wena Mufumi wanga ni Xikwembu xanga, hi wena u lerisaka leswaku va ka Yakobo va hlula.

Pisalema 18:50

HOSI Xikwembu xi nyika ku hlula lokukulu eka loyi xi n'wi vekeke ku va hosi, xi komba tintswalo ta xona leto tshembeka eka Davhida muhlawuriwa wa xona, ni ka vatukulu va yena hilaha ku nga heriki.

Vaavanyisi 15:18

Samsoni a twa torha swinene, kutani a huwelela eka HOSI Xikwembu, a ku: “Hi wena u tiseke ku hlula lokukulu loku hi voko ra mina nandza wa wena, kutani xana ndzi nga dlawa hi torha, ndzi wela emavokweni ya vahedeni xana?”

1 TIKRONIKA 11:14

kambe tinhenha letikulu tinharhu ti yima exikarhi ka nsimu ti yi lwela, ti dlaya Vafilista. Hi siku rero HOSI Xikwembu xi nyika Vaisraele matimba yo hlula valala va va heta.

Genesa 45:5

Mi nga vileli, naswona mi nga tiveki nandzu, hi mhaka ya leswi mi ndzi xaviseke haleno: I Xikwembu lexi ndzi rhangiseke emahlweni ka n'wina, ndzi ta haleno leswaku ndzi ta ponisa vanhu.

Genesa 50:20

N'wina a mi lava ku ndzi twisa ku vava, kambe Xikwembu xi hundzuluxile makungu lawa leswaku ma tisa leswinene eka vanhu lavo tala, va hanyisiwa, hilaha swi tikombaka hakona namuntlha.

Genesa 47:12

Kutani Yosefa a hamba a rhumela swakudya eka tata wa yena, ni vamakwavo, ni va ka vona hinkwavo, hi ku ya hi ntsengo wa lava va va hlayisaka.