Genesa 44:16 - BIBELE Mahungu Lamanene

¹⁶ Yuda a ku: “Xana hi nga vula yini, we n'wini wanga? A ha ha ri na nomo, hi nge kaneti leswaku hi ni nandzu hikuva i Xikwembu lexi boxeke nandzu wa hina malandza ya wena. We n'wini wanga, hinkwerhu hi mahlonga ya wena, ku katsa ni loyi xinwelo xi kumekeke eka yena.”

Xitsonga (Bibele)

¹⁶ Kutani Yuda a ku: “Hi to yini ka hosi yanga? Hi ta vula tihi kumbe hi ta tihlantswa hi tihi? Xikwembu xi vonile ku homboloka ka malandza ya wena; maswivo, hi makhumbi ya wena, hosi ya hina, hina ni munhu yeloyi xidzuvulo xi nga kumiwa enkwameni wa yena.”

Genesa 44:16 Referans Kwoze

Genesa 44:9

We n'wini wa hina, loyi xinwelo xi nga ta kumeka xi ri na yena, exikarhi ka hina malandza ya wena, a a dlayiwe, kutani hina lavan'wana hi ta va mahlonga ya wena.”

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Luka 12:2

hikuva a ku na xilo lexi funengetiweke, lexi nga ta ka xi nga fununguriwi, ni xilo xa xihundla, lexi nga ta ka xi nga tiviwi.

Tinhlayo 32:23

Kambe loko mi nga endlisi sweswo, mi ta va mi dyoherile HOSI Xikwembu; kutani mi swi tiva leswaku mi ta xanisekela swidyoho swa n'wina.

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

Esaya 5:3

Kutani nakulorhi ú ri: “Sweswi ke, n'wina vaaki va Yerusalema, na n'wina vanhu va Yuda, tsemani mhaka ya mina ni nsimu ya mina ya vhinya.

Swivuriso 28:17

Loyi a tirhwexeke nandzu hi ku dlaya un'wana, ú ta tshamela ku baleka a kondza a fa, ku nga vi na loyi a n'wi pfunaka!

Swivuriso 17:15

Loyi a yimelelaka lowo homboloka, ni loyi a lumbetaka munhu wo lulama, HOSI Xikwembu xa va venga hinkwavo.

Ntirho 40:4

“We HOSI, ndzi ntsongo ngopfu emahlweni ka wena, xana ndzi nga ku hlamula yini? Ndzi to timiyelela!

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Ezra 9:10

“Kutani we Xikwembu xa hina, ha ha ta vula yini loko ku humelele leswi xana? Hi tlurile swileriso swa wena,

Vaavanyisi 1:7

Kutani Adoni-Bezeki a ku: “Tihosi ta 70 leti ndzi ti tsemeke makhudzu ya milenge ni ya mavoko, a ti hamba ti rholela mahlanhla laha ndzi dyaka kona; kutani, leswi ndzi swi endleke eka tona, Xikwembu xi swi tlheriserile eka mina.” Kutani va famba na yena eYerusalema, a ya fela kona.

Yoxuwa 7:18

hiloko a xaxameta va yindlu ya ka Zabidi ha un'we-un'we, kutani ku hlawuriwa Akani n'wana Karimi wa Zabidi wa Zera, wa nyimba ya ka Yuda.

Yoxuwa 7:1

Vaisraele va tlurile nawu hi tlhelo ra swilo leswi nyiketiweke leswaku swi herisiwa, hikuva Akani n'wana Karimi wa Zabidi wa Zera, wa nyimba ya ka Yuda, ú pamburile swilo swin'wana leswi nyiketiweke leswaku swi herisiwa. Hikwalaho ka swona, HOSI Xikwembu xi hlundzukela Vaisraele.

Duteronoma 25:1

“Loko ku tshuka ku va ni ku holova exikarhi ka vavanuna vambirhi, kutani va yisa mhaka ehubyeni, vaavanyisi va nga tsema mhaka, va ntshunxa loyi a nga riki na nandzu, loyi a dyoheke yena a bohiwa.

Genesa 44:32

Mina nandza wa wena ndzi tibohile eka tatana hi ku hlambanya leswaku loko ndzo ka ndzi nga vuyi na yena mufana loyi, nandzu wu ta va na mina, vutomi bya mina hinkwabyo.

Genesa 37:9

Yosefa a lorha norho wun'wana, kutani a byela vamakwavo a ku: “Ndzi lorhile norho wun'wana: Ndzi vona dyambu, ni n'weti, ni tinyeleti ta 11 swi ndzi nkhinsamela.”

Genesa 37:7

A hi ri karhi hi boha tinyandza emasin'wini, kutani nyandza ya mina yi suka yi yima, hiloko leta ka n'wina ti yi rhendzela, ti yi nkhinsamela.”

Genesa 44:17

Kambe Yosefa a ku: “E-e, sweswo mina ndzi nge pfuki ndzi swi endlile. Munhu loyi xinwelo xi kumekeke eka yena, hi yena ntsena loyi a nga ta va hlonga ra mina; n'wina lavan'wana, tlhelelani eka tata wa n'wina hi ku rhula.”

1 TIHOSI 17:18

Kavaloko wansati a ku ka Eliya: “Xana ndzi ku hoxele hi yini, we munhu wa Xikwembu? A wo ta ntsena laha ka mina ku ta paluxa ku dyoha ka mina ni ku ta dlaya n'wana wa mina!”