Genesa 43:9 - BIBELE Mahungu Lamanene

⁹ Mina ndza tiboha hi ku hlambanya, ndzi ri: N'wi veke emavokweni ya mina. Loko o ka a nga vuyi, nandzu a wu ve na mina hilaha ku nga heriki.

Xitsonga (Bibele)

⁹ Ndzi tibohile hikwalaho ka yena, u ta n'wi lavela eka mina; kungakuloko ndzi nga vuyi na yena eka wena, ndzi n'wi veka emahlweni ka wena, ndzi ta va ni nandzu emahlweni ka wena hi masiku hinkwawo;

Genesa 43:9 Referans Kwoze

Genesa 42:37

Kambe Rhuveni a ku ka tata wa yena: “Benjamini, n'wi veke emavokweni ya mina, ndzi ta vuya na yena. Loko ndzo ka ndzi nga vuyi na yena, teka vana va mina va vafana u va dlaya.”

Vaheveru 7:22

Leswi swi endla leswaku Yesu a va mutiyisi wa ntwanano wa ku antswa.

Ezekiele 33:8

Loko ndzi tivisa mudyohi ndzi ku: ‘We mudyohi, hakunene u ta fa!’ kambe wena u nga n'wi tsundzuxi kumbe ku n'wi tshinya leswaku a tshika tindlela ta yena, mudyohi yoloye ú ta fa hikwalaho ka swidyoho swa yena; kambe mina ndzi ta ku vona nandzu emhakeni ya ku dlawa ka warikwenu.

Ezekiele 33:6

Nkarhi wun'wana, swi nga endleka leswaku tiko ri ngheneriwa hi valala, kambe murindzi a nga bi mhalamhala; leswi vaaki va tiko va nga tiviki nchumu, valala va nga khoma munhu wihi kumbe wihi etikweni rero, va n'wi dlaya; munhu loyi ú ta va a file hikwalaho ka swidyoho swa yena, kambe murindzi, mina ndzi ta n'wi vona nandzu emhakeni ya ku dlawa ka warikwavo.

Ezekiele 3:20

Nakambe loko munhu wo lulama a hambuka etindleleni ta yena leto lulama, kutani a sungula ku endla leswo biha, ndzi ta n'wi phija a wa, a fisa sweswo; munhu loyi ú ta fa hikwalaho ka swidyoho swa yena, ni mintirho ya yena leyo saseka a yi nga ha tsundzukiwi, kambe mina ndzi ta ku vona nandzu, emhakeni ya ku fa ka yena, hikuva u ta va u nga n'wi tshinyanga.

Ezekiele 3:18

Loko ndzi byela mudyohi ndzi ku: ‘Hakunene u ta fa!’ kambe wena u nga n'wi tsundzuxi kumbe ku n'wi tshinya, leswaku a tshika tindlela ta yena leto homboloka a ponisa vutomi bya yena, mudyohi yoloye ú ta fa hikwalaho ka swidyoho swa yena; kambe mina ndzi ta ku vona nandzu, emhakeni ya ku fa ka yena.

Pisalema 119:122

Tikombe eka mina, u ndzi katekisa, u nga pfumeli leswaku vasandzi va ndzi xanisa.

Ntirho 17:3

“We Xikwembu, amukela leswaku ndzi hava nandzu. I mani la nga ndzi lwelaka, loko ku nga ri wena ke?

1 TIHOSI 1:21

Handle ka sweswo, swi nga endleka leswaku mina ni n'wana wa mina Solomoni hi kumiwa hi ri vaonhi, siku leri wena n'wini wanga u nga ta va u tietlelele, u lahliwa ni vakokwa wa wena.”

Genesa 31:39

Swifuwo leswi a swi dlayiwa hi swiharhi swa nhova, a ndzi nga vuyi na swona ndzi ta ku komba, kambe mina hi ndzexe a ndzi swi riha. Wena a wu ndzi rihisa ni loko swifuwo swi yiviwile ninhlekanhi kumbe nivusiku.

Genesa 9:5

Loko ngati ya munhu yi halatiwa, ndzi ta endla leswaku yi rihiwa: Hambi yi halatiwa hi xiharhi kumbe hi munhu, yi ta rihiwa.

Luka 11:50

Swi vula leswaku ngati ya vaprofeta hinkwavo leyi halatiweke ku sukela loko misava yi tumbuluka, yi ta tlhela yi laviwa eka rixaka leri,

Genesa 43:10

Loko a wo ka u nga hi hlwerisanga, ingi sweswi hi yile kambirhi.”

2 SAMIELE 14:9

Wansati lowa le Tekowa a hlamula hosi a ku: “Wena hosi n'wini wanga, nandzu wo sirhelela mudlayi a wu ve ehenhla ka mina ni le henhla ka maxaka ya mina; wena hosi ni va mfumo wa wena, a mi na nandzu emhakeni leyi.”