Genesa 43:12 - BIBELE Mahungu Lamanene

¹² Naswona mi famba ni mali yo ringana ni leyi mi fambeke na yona eku sunguleni, kasi leyi mi yi kumeke emasakeni ya n'wina, tlhelani na yona, kumbexana mi tlheriseriwile yona hi xihoxo.

Xitsonga (Bibele)

¹² mi teka ni mali yin'wana yi hlayiwe kambirhi emavokweni ya n'wina, ni mali leyi yi nga tlherisiwa emilon'wini ya mikwama ya n'wina, mi yi heleketa; kumbe va hoxile.

Genesa 43:12 Referans Kwoze

Genesa 42:25

Kutani Yosefa a lerisa leswaku minkwama ya vamakwavo yi cheriwa koroni yi tala, ni leswaku mali ya un'wana ni un'wana yi tlherisiwa yi vekiwa esakeni ra yena, ni leswaku va longeriwa timbuva. Kutani swi endlisiwa sweswo.

Genesa 42:35

Loko va pfula masaka ya vona va chulula koroni, un'wana ni un'wana o kuma xiputsa xa mali ya yena endzeni ka saka. Hiloko vona ni tata wa vona va tshuka ngopfu.

Vaheveru 13:8

Yesu Kriste wa ha ri yena tolo ni namuntlha ni hilaha ku nga heriki.

1 Vatesalonika 5:21

kambe kambisisani hinkwaswo, mi tiya eka leswinene.

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

2 Vakorinto 8:21

Hi navela ku endla leswi sasekeke ku nga ri emahlweni ka Hosi ntsena, kambe ni le mahlweni ka vanhu.

Varhoma 13:8

Mi nga tshuki mi va ni nandzu eka munhu na un'we, loko wu nga ri wa ku rhandzana; hikuva, la rhandzaka van'wana, ú hetisisile Nawu.

Varhoma 12:17

Mi nga rihiseli swo biha hi leswo biha, ni ka munhu ni un'we. Ringetani ku endla leswi vanhu hinkwavo va swi vonaka swi ri leswo saseka.

Genesa 43:13

Tekani ni makwenu Benjamini, mi famba mi tlhelela eka wanuna luya.

Genesa 43:21

Kambe loko hi ntshunxa masaka ya hina laha hi fikeke hi etlela kona, un'wana ni un'wana wa hina ú kumile mali ya yena hinkwayo enon'weni wa saka ra yena, kutani sweswi hi te na yona mali ya kona.

Genesa 43:22

Naswona hi te na yin'wana mali yo ta xava ha yona swakudya. A hi tivi leswaku a nga va a ri mani loyi a ngheniseke mali ya hina emasakeni ya hina.”