Genesa 42:10 - BIBELE Mahungu Lamanene

¹⁰ Vona va ku ka yena: “E-e, we n'wini wa hina. Hina malandza ya wena hi tile ku ta xava swakudya.

Xitsonga (Bibele)

¹⁰ Kambe va ku eka yena: “E-e, hosi, hi malandza ya wena, hi tile ku ta xava swakudya,

Genesa 42:10 Referans Kwoze

Genesa 37:8

Vamakwavo va ku ka yena: “Xana u vula leswaku hakunene u nga va hosi ya hina u hi fuma xana?” Kutani va ya va n'wi venga swinene hikokwalaho ka milorho ya yena ni leswi a swi vulavulaka.

1 TIHOSI 18:7

Loko Obadiya a ha ri endleleni, o tshuka a hlangene na Eliya. Obadiya a hatla a n'wi tiva, kutani a korhama, mombo wa yena wu ko wu khumba misava, a ku ka yena: “Xana hakunene hi wena Eliya n'wini wanga ke?”

1 SAMIELE 26:17

Kavaloko Sawulo a tiva rito ra Davhida, kutani a vutisa a ku: “Xana a hi rito ra wena Davhida n'wananga, leri ndzi ri twaka xana?” Davhida a hlamula a ku: “Ina, i ra mina, wena hosi n'wini wanga.”

Genesa 44:9

We n'wini wa hina, loyi xinwelo xi nga ta kumeka xi ri na yena, exikarhi ka hina malandza ya wena, a a dlayiwe, kutani hina lavan'wana hi ta va mahlonga ya wena.”

Genesa 27:37

Isaka a hlamula Esawu a ku: “Vona, ndzi endlile leswaku wena u va hansi ka yena; vamakwavo wa yena hinkwavo, ndzi n'wi nyikile vona leswaku va va malandza ya yena. Ndzi n'wi nyikile ni mavele ni vhinyo. Kutani xana ka ha sele yini lexi ndzi nga ku endlelaka xona, we n'wananga xana?”

Genesa 27:29

Vanhu a va ku tirhele, vamatiko a va ku nkhinsamele; Vamakwenu a va ve hansi ka wena, vana va mana wa wena a va ku nkhinsamele. Lava ku rhuketelaka, a va rhuketeriwe, lava ku katekisaka, a va katekisiwe.”

Genesa 42:11

Hinkwerhu hi vana va munhu un'we, hi vanhu vo tshembeka; hina malandza ya wena, a hi tinhlori.”