Genesa 41:6 - BIBELE Mahungu Lamanene

⁶ Endzhaku ka yona, ku mila min'woko ya 7 ya koroni, leyi nga chelangiki, leyi vunisiweke hi moya wa le vuxeni,

Xitsonga (Bibele)

⁶ a tlhela a vona min'oko ya ntlhanu na mimbirhi leyi chochiweke, leyi tshweke hi mheho ya le vuxeni, yi mirile ya timbakarhi.

Genesa 41:6 Referans Kwoze

Hosiya 13:15

Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Ezekiele 19:12

Kambe vanhu va tihanyi va simurile murhi lowu, va wu cukumeta ehansi, wu omisiwa hi moya wa le vuxeni, mihandzu ya wona yi dzudzeka, na wona nsinya wa kona lowukulu wu oma, wu hisiwa hi ndzilo.

Ezekiele 17:10

Hambileswi wu byariweke khale, a wu nga ha hluki, wu ta biwa hi moya wa le vuxeni, kutani wu ta vuna, wu omela kwala wu byariweke kona!”

Genesa 41:5

Hosi Faro a tlhela a khomiwa hi vurhongo, kutani a lorha nakambe, a vona min'woko ya 7 ya koroni, yo saseka leyi vekeke swinene yi mila yi huma erihlangeni rin'we.

Genesa 41:7

kutani yi mita min'woko leya 7 leyi vekeke tindzhoho to tala swinene. Kavaloko hosi Faro a phaphama, kutani a vona leswaku o va eku lorheni.

Genesa 41:23

Kutani ku huma min'woko yin'wana ya 7 leyi nga chelangiki, leyi vunisiweke hi moya wa le vuxeni.

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Yonasi 4:8

Loko dyambu ri tlakukile, Xikwembu xi hungisa moya wo hisa ngopfu wa vuxa, kutani dyambu ri ba nhloko ya Yonasi, ku kondza loko a lava ku titivala. Hiloko a kombela ku fa, a ku: “Eka mina, ku hanya swi tlula hi ku fa.”