Genesa 41:1 - BIBELE Mahungu Lamanene

¹ Endzhaku ka malembe mambirhi, hosi Faro a lorha a yimile eribuweni ra nambu wa Nilo.

Xitsonga (Bibele)

¹ Kuteloko malembe mambirhi ma hundzile, Faro a lorha norho: Vonani, a a yimile ekusuhi ni nambu;

Genesa 41:1 Referans Kwoze

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Ezekiele 29:9

Leswi u vuleke u ku: ‘Nambu wa Nilo i wa mina, hi mina ndzi wu endleke!’ tiko ra Egipta ri ta hundzuka mananga ni marhumbi, kutani Vaegipta va ta tiva leswaku HOSI Xikwembu, hi mina!

Ezekiele 29:3

N'wi byele leswaku mina HOSI N'wini wa hinkwaswo ndzi ni rito eka yena leri nge: “Wena Faro hosi ya le Egipta, ndzi lwa na wena! Loko u tshamile eswinambyaneni swa wena ku fana ni dragona nyoka ya lwandle, u tshamela ku vula u ku: ‘Nambu wa Nilo i wa mina, hi mina ndzi wu endleke!’

Esaya 19:5

Mati ya nambu wa Nilo ma ta phya, nambu wu ta sala wu omile, wu nga ha ri na nchumu.

Estere 6:1

Hosi Ahasuwerusi a a ri ni nkelunkelu vusiku byebyo. Kutani a lerisa leswaku va n'wi tisela buku ya matimu, laha ku tsariwaka timhaka leti ti faneleke ku tsundzukiwa. Kunene matsalwa ya kona ma tisiwa ku ta hlayiwa emahlweni ka yena.

Duteronoma 11:10

Tiko leri mi yaka eka rona mi ya ri teka ri va ra n'wina, a ri fani ni tiko ra Egipta leri mi humaka eka rona. Le Egipta a mi byala swimilana, kutani mi ya ka mati mi swi cheleta, ku fana ni loko mi cheleta ntanga wa miroho.

Eksoda 4:9

Kambe loko, ha vumbirhi bya swona, swi nga va khorwisi, ni loko va nga amukeli leswi u nga ta va byela swona, u ta ya u ya ka mati enambyeni, u ma halata laha ku omeke, kutani mati lawa ma ta hundzuka ngati.”

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Genesa 40:5

Kutani siku rin'wana nivusiku, mucheri wa vhinyo ya hosi ya Egipta, ni muphameri wa xinkwa xa yona, va lorha milorho havumbirhi bya vona, va ri kwale khotsweni; norho wun'wana ni wun'wana a wu ri ni nhlamuselo ya wona.

Genesa 31:21

Kutani a suka ni hinkwaswo leswi a a ri na swona, a baleka a tsemakanya nambu wa Yufrata, a kongoma emagangeni ya Giliyadi.

Genesa 29:14

Kavaloko Labani a ku ka yena: “Hakunene mina na wena hi nyama yin'we ni ngati yin'we.” Kutani Yakobo a tshama n'hweti yin'we eka Labani.

Genesa 20:3

Kambe nivusiku, Xikwembu xi ta eka Abimeleke hi norho, xi ku: “Wena, u ta fa, hikwalaho ka wansati loyi u n'wi tekeke, hikuva i nsati wa munhu.”

Genesa 28:12

Kutani a lorha ku ri na phandze leri dzimiweke emisaveni, makumu ya rona ma dliva tilo. Kutani a vona tintsumi ta Xikwembu, tin'wana ti ri karhi ti xika tin'wana ti ri karhi ti khandziya!

Genesa 40:23

Hambiswiritano, ndhuna ya vacheri a yi n'wi tsundzukanga Yosefa, yi n'wi rivarile.

Genesa 41:2

Enorhweni wa yena a vona tihomu ta mantswele ta 7, leto nona, ta xiyimo xo saseka; a ti ri karhi ti huma enambyeni wa Nilo, ti ya dya enhlangeni.